តារាចម្រៀងកូនកាត់ចិន លី អ៊ីវ៉ាធីណា សឹងបាក់ចង្កេះពេលគូស្នេហ៍ភេទដូចគ្នា Surprise សុំរៀបការខណៈពេលដែលកំពុងហែលទឹកលេងយ៉ាងសប្បាយរីករាយនៅក្នុងអាទឹកជួបជុំមិត្តភក្តិ ។
ប៉ុន្មានខែចុងក្រោយនេះតារាចម្រៀងកូនកាត់ចិន លី អ៊ីវ៉ាធីណា និងគូស្នេហ៍ភេទដូចគ្នា កាន់តែបង្ហាញភាពស្និទ្ធស្នាលជាមួយគ្នាខ្លាំងឡើង បន្ទាប់បានភ្ជាប់ទំនាក់ទំនងស្នេហ៍និងគ្នាមួយរយៈ ហើយនាងកាន់តែសប្បាយរីករាយជាមួយស្នេហាថ្មីនេះ ជាក់ស្តែងថ្មីៗនេះ លី អ៊ីវ៉ាធីណា បានដឹកដៃគូស្នេហ៍របស់ខ្លួនទៅលំហែកាយនៅទឹកដីខេត្ត សៀមរាប ដើម្បីបង្កើនភាពស្និទ្ធស្នាល ។
អ្វីដែលធ្វើឱ្យតារាចម្រៀងកូនកាត់ចិន លី អ៊ីវ៉ាធីណា កាន់តែសប្បាយចិត្តនោះ គឺគូស្នេហ៍របស់នាង បាន Surprise យកចិញ្ចៀនពេជ្រសុំនាងរៀបការនៅក្នុងអាងហែលទឹក ខណៈពេលដែលនាងកំពុងលេងទឹកយ៉ាងសប្បាយរីករាយជាមួយមិត្តភក្តិ ។
លី អ៊ីវ៉ាធីណា ស្ទើរតែស្រក់ទឹកភ្នែក រំភើបចិត្តនៅពេលគូស្នេហ៍សុំរៀបការបែបស្វីតស្វីតបែបនេះ ដោយនាងនិយាយថា « ឆ្នាំនេះដល់គូហើយ » ។
ថ្វីដ្បិតតែទទួលចិញ្ចៀនពេជ្រ និងព្រមរៀបការជាមួយដៃគូរបស់ខ្លួនក្តី លី អ៊ីវ៉ាធីណា នៅពុំទាន់បញ្ជាក់ពីពេលវេលាច្បាស់លាស់ដឹកដៃគូស្នេហ៍ខ្លួនចូលរោងការនៅឡើយទេ ព្រោះនាងចង់ឱ្យមានការភ្ញាក់ផ្អើល ៕
