Author: Phea ra

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា សម្ដេចមិនបានសម្រាកនោះទេរហូតដល់ម៉ោង​ ១២ពាក់កណ្ដាលយប់ ក៏ព្រោះសម្ដេចនៅតែតាមដានអំពីព័ត៌មាន និងបញ្ហាប្រឈមនានារបស់ប្រជាពលរដ្ឋប្រចាំថ្ងៃ។​សម្តេចគូសបញ្ជាក់ថា សម្តេចបានយកចិត្តទុកដាក់តាមដានគ្រប់បញ្ហាទាំងអស់ តែសម្តេចទុកឲ្យក្រសួងស្ថាប័ន​ពាក់ព័ន្ធជាអ្នកដោះស្រាយ។ សម្តេចធិបតីនាយករដ្ឋមន្ត្រីនៃកម្ពុជា​បានលើកឡើងបែបនេះ ក្នុងពិធីសំណេះសំណាល ជាមួយកម្មករ និយោជិត នៅខណ្ឌដង្កោ រាជធានីភ្នំពេញ នៅព្រឹកថ្ងៃទី៣ ខែតុលា ឆ្នាំ២០២៣។ សម្ដេចនាយករដ្ឋមន្ត្រីបានថ្លែងថា សម្តេចក្តាប់នូវព័ត៌មានទាំងអស់ ទាំងបញ្ហា កង្វល់នានាដែលផ្ទុះឡើងលើបណ្តាញ​សង្គម ក៏ប៉ុន្តែសម្ដេចមិនលូកដៃនោះទេ […]

“រាជរដ្ឋាភិបាលមិនអាចដាក់ចេញគោលនយោបាប្រជាភិថុត គោលនយោបាយធ្វើឲ្យតែល្អ ឲ្យតែរួចខ្លួន ឲ្យតែលឺ​ពិរោះ​តែធ្វើមិនកើតនោះទេ និងមិនអាចដាក់ចេញគោលនយោបាយឲ្យល្អសម្រាប់អ្នកនេះ ឲ្យខ្ទេចអ្នកនោះនោះទេ យើងត្រូវរស់ទាំងអស់គ្នា” នេះជាប្រសាសន៍របស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងវេទិកាសំណេះសំណាល ជាមួយកម្មករ និយោជិត នៅខណ្ឌដង្កោ រាជធានីភ្នំពេញ នៅព្រឹកថ្ងៃទី៣ ខែតុលា ឆ្នាំ២០២៣។ សម្តេចធិបតីបានគូសបញ្ជាក់ជាថ្មីថា រាជរដ្ឋាភិបាលថ្មីមិនបានបង្កើតពន្ធថ្មីណាមួយ ដើម្បីដាក់បន្ទុកលើប្រជាពលរដ្ឋ ឬអាជីវករនោះ ហើយក៏មិនមានតម្លើងពន្ធបន្ថែមពន្ធតែមានស្រាប់នោះដែរ។ ទាក់ទងរឿងពន្ធនេះ […]

ក្រសួងប្រៃសណីយ៍ និងទូរគមនាគមន៍ នៅថ្ងៃទី២ ខែតុលា ឆ្នាំ២០២៣ ប្រកាសដាក់ដំណើរការជាផ្លូវការនៃ “កម្មវិធីអភិវឌ្ឍន៍ជំនាញឌីជីថល”។ ឯកឧត្តមរដ្ឋមន្ត្រី ជា វ៉ាន់ដេត បានលើកឡើងថា ក្រសួងប្រៃសណីយ៍ បានបង្កើត “កម្មវិធីអភិវឌ្ឍន៍​ជំនាញឌីជីថល” ដែលកម្មវិធីនេះ នឹងអនុញ្ញាតឱ្យសិស្សដែលមិនមានលទ្ធភាពបង់ថ្លៃសិក្សា អាចស្នើសុំថវិកាសិក្សាដែលមិនគិតការប្រាក់ សម្រាប់សិក្សាថ្នាក់បរិញ្ញាបត្រលើជំនាញបច្ចេកវិទ្យាឌីជីថល នៅគ្រឹះស្ថានឧត្តមសិក្សាដៃគូរបស់កម្មវិធី។ ឯកឧត្ដមបន្តថា និស្សិតត្រូវទូទាត់មកវិញនូវ ២០% នៃបៀវត្សប្រចាំខែ នៅពេលដែលខ្លួនចេញធ្វើការនិងទទួលបានបៀវត្សចាប់ពី ៥០០ដុល្លារអាម៉េរិកឡើងទៅ […]

នាយកដ្ឋានប្រឆាំងការជួញដូរមនុស្ស និងការពារអនីតិជន បានឲ្យដឹងនៅល្ងាចថ្ងៃទី២ ខែតុលានេះថា ដោយសហការជាមួយស្ថានទូតកម្ពុជាប្រចាំនៅប្រទេសឡាវ អន្តរាគមន៍ជួយសង្រ្គោះជនរងគ្រោះ ស្រី៦នាក់​ (អនីតិជន ៤នាក់)​និងបានធ្វើការឃាត់ខ្លួនជនប្រព្រឹត្តិល្មើសចំនួន២នាក់​ (ប្តីប្រពន្ធ)​ នៅខេត្តបន្ទាយមានជ័យ។ រីឯជនរងគ្រោះ អគ្គកុងស៊ុលនឹងសម្របសម្រួលបញ្ជូនមកកម្ពុជាវិញ ក្នុងរយៈពេលឆាប់បំផុតតាមដែលអាចធ្វើបាន។ សូមបញ្ជាក់ថា នៅព្រឹកថ្ងៃទី៣០ ខែកញ្ញា ឆ្នាំ២០២៣ ស្ថានឯកអគ្គរាជទូតកម្ពុជាប្រចាំប្រទេសឡាវ បានទទួលព័ត៌មានតាមបណ្តាញសង្គមហ្វេសប៊ុក ពាក់ព័ន្ធនឹងករណីស្ត្រីខ្មែរចំនួន ៧ រូប ដែលបានបង្ហោះសារអំពាវនាវតាមបណ្តាញសង្គមហ្វេសប៊ុកស្វែងរកការជួយសង្គ្រោះពួកគេ។ ស្ត្រីទាំង៧រូបនេះ […]

ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ ទទួលជួបសម្តែងការគួរសមជាមួយ ឯកឧត្តម Datuk Eldeen Husaini Mohd Hashim ឯកអគ្គរដ្ឋរាជទូតម៉ាឡេសុី​ ប្រចាំនៅកម្ពុជា នៅថ្ងៃទី០២​ ខែតុលា ឆ្នាំ២០២៣ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ ក្នុងជំនួបនេះ ឯកឧត្តមរដ្ឋមន្ដ្រី​បានលើកឡើងពីកិច្ចសហប្រតិបត្តិការនៅក្នុងវិស័យកសិកម្មរវាងប្រទេសទាំងពីរ តាមរយៈ​អនុសារណៈ​នៃការយោគយល់គ្នា […]

គិតមកដល់ថ្ងៃទី២ ខែតុលានេះ ខេត្តចំនួន៩ បានរងផលប៉ះពាល់ពីជំនន់ទឹកភ្លៀង ខណៈស្ថានភាពទឹកក្នុងខេត្តចំនួន៧ បានថមថយទៅវិញ ដោយនៅសល់ ២ខេត្តបន្តជន់លិចនៅឡើយ។ នេះបើតាមការឲ្យដឹងពីអ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ លោក សុទ្ធ គឹមកុលមុនី។ លោក សុទ្ធ គឹមកុលមុនី បានប្រាប់ Karpit News នៅរសៀលថ្ងៃទី២ ខែតុលានេះថា ឥទ្ធិពលសម្ពាធទាបមានធ្លាក់ភ្លៀងច្រើនជាបន្តបន្ទាប់ពីថ្ងៃ១២ ដល់ថ្ងៃទី២៨ ខែកញ្ញា បានបង្កជាជំនន់ទឹកភ្លៀងវាយលុកខេត្តមួយចំនួនរួមមានខេត្តព្រះវិហារ កំពង់ធំ […]

ភូមិសាស្ត្រតាមដងទន្លេក្នុងខេត្តកំពង់ចាម គឺក្នុងស្រុកកោះសូទិន និងស្រុកស្រីសន្ធរ បានរងផលប៉ះពាល់ពីការបាក់ស្រុតច្រាំងទន្លេ។ ឯកឧត្តម អ៊ុន ចាន់ដា អភិបាលខេត្តកំពង់ចាម ដែលបានចុះពិនិត្យស្ថានភាព នៃការបាក់ស្រុតច្រាំងទន្លេ កាលពីពេលថ្មីៗនេះ បានឲ្យដឹងថា ចំណុចដែលមានបញ្ហាប្រឈម គឺនៅក្នុងភូមិជីហែ ឃុំជីហែ ស្រុកកោះសូទិន មានប្រវែង ២៥០ ម៉ែត្រ គឺជាចំណុចអាទិភាពទីមួយ ដែលត្រូវសិក្សាមុនគេ។ ដោយឡែក នៅក្នុងស្រុកស្រីសន្ធរ មានច្រាំងបាក់ ស្រុតប្រឈម […]

នៅថ្ងៃទី២ ខែតុលា ឆ្នាំ២០២៣ ឧត្តមសេនីយ៍ត្រី សឹង្ហ ទុំ មេបញ្ជាការ កងពលតូចថ្មើរជើងលេខ៥១ ដឹកនាំកងកម្លាំង ជិត២០០នាក់ ចុះជួយច្រូតស្រូវជូនប្រជាពលរដ្ឋ រងគ្រោះដោយទឹកជំនន់ ស្ថិតនៅឃុំចំណោម ស្រុកមង្គលបូរី ខេត្តបន្ទាយមានជ័យ។ តាមបណ្តាដងស្ទឹងក្នុងខេត្តបន្ទាយមានជ័យ ពិសេសស្ទឹងមង្គលបូរីដែលទទួលទឹកហូរមកពីខេត្តបាត់ដំបង និងទទួលទឹកភ្លៀងប៉ុន្មានថ្ងៃជាប់ៗគ្នាមកនេះ បានតាមលិចវាលស្រែ ខណៈប្រជាកសិករកំពុងមមាញឹកពន្លឿនការច្រូតកាត់ស្រូវ។ សូមជម្រាបថា កងកម្លាំងរបស់កងពលតូចថ្មើរជើងលេខ៥១ ជិតមួយពាន់នាក់ ត្រៀមអន្តរាគមន៍ ជួយសង្រ្គោះប្រជាពលរដ្ឋរងគ្រោះដោយទឹកជំនន់ […]

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចេញសារលិខិតក្នុងឱកាស “ទិវាមនុស្សចាស់កម្ពុជា និងទិវាមនុស្សចាស់អន្តរជាតិ” ថ្ងៃទី១ ខែតុលា ឆ្នាំ២០២៣ ក្រោមប្រធានបទ “ការជួយមនុស្សចាស់ គឺជួយយើងទាំងអស់គ្នា”។ ក្នុងសារលិខិត, សម្តេចធិបតី ហ៊ុន ម៉ាណែត បានលើកឡើងថា ពិតណាស់ថា ក្នុងការប្រតិបត្តិក្នុងសង្គមយើង ប្រជាជនមិនត្រឹមតែមានទម្លាប់គោរពព្រឹទ្ធាចារ្យប៉ុណ្ណោះទ ប៉ុន្តែថែមទាំងធ្វើឱ្យការគោរពនិងការដឹងគុណមនុស្សចាស់ ក្លាយទៅជាគោលនៃគុណធម៌ដែលបង្កើតបានជា វប្បធម៌និងជាប្រពៃណីដ៏ល្អសម្រាប់មនុស្សជំនាន់ក្រោយ ក្នុងការបន្តបុព្វហេតុការពារ […]