នាយករដ្ឋមន្ត្រីរ៉ូម៉ានី លោក ម៉ាហ្សែល ហ្សៃលាកូ (Marcel Ciolacu) បានលាលែងពីតំណែងមួយថ្ងៃបន្ទាប់ពីមេដឹកនាំបក្សប្រឆាំងស្តាំនិយមម្នាក់បានឈ្នះការបោះឆ្នោតប្រធានាធិបតីជុំទីមួយ។ នេះបើយោងតាមការផ្សាយចេញពីអង្គភាពរ៉យទ័រនៅថ្ងៃទី៦ ខែឧសភានេះ។
លោក ហ្សៃលាកូ បានបញ្ជាក់ថាសង្គមនិយមកណ្តាលឆ្វេងរបស់លោកនឹងដកខ្លួនចេញពីក្រុមចម្រុះដែលគាំទ្រលោកខាងលិច បញ្ចប់វាប្រកបដោយប្រសិទ្ធភាព ខណៈដែលរដ្ឋមន្ត្រីគណៈរដ្ឋមន្ត្រីនឹងបន្តនៅក្នុងសមត្ថភាពបណ្តោះអាសន្នរហូតដល់បេក្ខភាពថ្មីលេចឡើងបន្ទាប់ពីការបញ្ចប់ការបោះឆ្នោតប្រធានាធិបតី។
លោក ជីរ ស៊ីម៉ិន (George Simion) ដែលជាអ្នកប្រកាន់ស្តាំនិយមខាងអឺរ៉ុបបានឈ្នះការបោះឆ្នោតយ៉ាងដាច់អហង្ការកាលពីថ្ងៃអាទិត្យដោយមានសំឡេងគាំទ្រប្រហែល ៤១ភាគរយ។
ប្រទេសរូម៉ានីមានប្រធានាធិបតីបណ្តោះអាសន្នរួចទៅហើយរហូតដល់ការបោះឆ្នោតនៅថ្ងៃទី១៨ ខែឧសភា។ ប្រទេសនេះមានឱនភាពថវិកាដ៏ធំបំផុតរបស់សហភាពអឺរ៉ុប និងប្រថុយនឹងការទម្លាក់ចំណាត់ថ្នាក់ទៅក្រោមកម្រិតវិនិយោគ លុះត្រាតែប្រទេសនេះអនុវត្តការកែតម្រូវសារពើពន្ធយ៉ាងច្បាស់លាស់។
យោងតាមអ្នកសង្កេតការណ៍នយោបាយបានឱ្យដឹងថា ជ័យជម្នះរបស់លោក ជីរ ស៊ីម៉ិន អាចធ្វើឱ្យប្រទេសរ៉ូម៉ានីឯកោ បំផ្លាញការវិនិយោគឯកជន និងធ្វើឱ្យមានអស្ថិរភាពផ្នែកខាងកើតរបស់ណាតូ ដែលប្រទេសនេះដើរតួនាទីយ៉ាងសំខាន់ក្នុងការផ្តល់ការគាំទ្រផ្នែកភស្តុភារដល់អ៊ុយក្រែន ខណៈដែលវាប្រយុទ្ធប្រឆាំងនឹងការឈ្លានពានរបស់រុស្ស៊ីរយៈពេលបីឆ្នាំ៕
ដោយ៖ ចិន្តា ទីទិ
