អាមេរិក នឹងប្រើប្រព័ន្ធឃ្លាំមើល​តាម​អាកាស​និងបច្ចេកវិទ្យាទំ​នើបៗ ដើម្បី​តាមដា​ន​បទឈប់បាញ់កម្ពុជា-ថៃ

ratha

នៅក្នុងសេចក្តីសង្ខេបព័ត៌មានស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នាព្រឹកថ្ងៃទី០៧ ខែសីហា ឆ្នាំ២០២៥ លោកជំទាវឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នេះ បានបញ្ជាក់ថា កាលពីថ្ងៃទី៦ ខែសីហា ឆ្នាំ២០២៥ ឯកឧត្តម នាយឧត្តមសេនីយ៍ ទៀ សីហា ឧបនា​យករដ្ឋមន្ត្រី រដ្ឋមន្ត្រីក្រសួងការពារជាតិ បានជួបប្រជុំជាមួយនាយឧត្តមនាវី Samuel Paparo មេបញ្ជាការបញ្ជាការដ្ឋានឥណ្ឌូ-ប៉ាស៊ីហ្វិក សហរដ្ឋអាមេរិក (USINDOPACOM) និងឯកឧត្តម Edgard Kagan ឯកអគ្គរដ្ឋទូតសហរដ្ឋអាមេរិក ប្រចាំប្រទេសម៉ាឡេស៊ី ។

លោកជំទាវឧត្តមសេនីយ៍ឯក ម៉ាលី សុជាតា ក្នុងកិច្ចជំនួបនេះ សហរដ្ឋអាមេរិកបានបញ្ជាក់ពីជំហរដ៏រឹងមាំរបស់ខ្លួន ក្នុងការគាំទ្របទឈប់បាញ់ ដែលបានផ្តួចផ្តើមដោយឯកឧត្តម Donald Trump ប្រធា​នាធិប​តីអារមេរិក ហើយដឹកនាំដោយប្រទេសម៉ាឡេស៊ី ក្នុងនាមជាប្រធានអាស៊ានប្តូរវេនបច្ចុប្បន្ន។

ក្នុងនោះ អាមេរិក ក៏បង្ហាញពីការគាំទ្រផ្នែកភស្តុភារ និងបច្ចេកទេសសំខាន់ ដើម្បីបង្កើតក្រុមអ្នកសង្កេតការណ៍អាស៊ានឲ្យបានលឿនបំផុត។ បន្ថែមពីនេះ អាមេរិកក៏បានបង្ហាញពីការអនុវត្តបន្ត រួមមានការធ្វើផែនការយោធា, ការផ្គត់ផ្គង់គ្រឿងបរិក្ខារ, ប្រព័ន្ធបញ្ជូនកម្លាំង, ប្រព័ន្ធឃ្លាំមើលតាមអាកាស និងបច្ចេកវិទ្យាទំនើបជាច្រើនទៀត៕

គួរបញ្ជាក់ថា​ កម្ពុជានិងថៃ បានសម្រេចឲ្យមានបទឈប់បាញ់ តាមការផ្តួចផ្តើមរបស់ឯកឧត្តម Donald Trump ប្រធា​នាធិបតីអារមេរិក ហើយដឹកនាំដោយប្រទេសម៉ាឡេស៊ី ក្នុងនាមជាប្រធានអាស៊ានប្តូរវេន នៅទីក្រុងកូឡាឡាំពួរ កាល​រសៀលថ្ងៃទី២៨ ខែកក្កដា ឆ្នាំ២០២៥ ។

នៅក្នុងបទឈប់បាញ់នេះ គឺមានចង់នូវលក្ខខណ្ឌមួយចំនួនដើម្បីឲ្យកងទ័ពកម្ពុជា និងកងទ័ពថៃ ត្រូវអនុវត្តន៍ រួមមាន ទី១ ឈប់បាញ់គ្នា ,ទី២ មិនឲ្យមានការចល័តទ័ព ឬបន្ថែមទ័ព ,ទី៣ កងទ័ពទាំងពីរប្រទេសត្រូវរក្សាទីតាំងដដែល រាប់ពីម៉ោង១២យប់ ថ្ងៃទី២៨ កក្កដា និងទី៤ ត្រូវបង្កើតក្រុមការងារទំនាក់ទំនងដើម្បីធ្វើការជាមួយគ្នា៕

អត្ថបទ៖ ពុទ្ធិកា

អត្ថបទទាក់ទង

សម្តេចតេជោ ហ៊ុន សែន៖ កម្ពុជាចង់ឱ្យប្រទេសកូរ៉េទាំងពីរ មានទំនាក់ទំនងល្អជាមួយគ្នាវិញ និងចៀសឱ្យផុតពីការផ្ទុះសង្រ្គាមនៅឧបទ្វីបកូរ៉េ

  • Phea ra
  • តុលា ៤, ២០២៤
  • 0

សម្តេចតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា បានអនុញ្ញាតឱ្យឯកឧត្តម ចាង យ៉ុងហ្គុន ឯកអគ្គរដ្ឋទូតសាធារណរដ្ឋប្រជាមានិតប្រជាធិបតេយ្យកូរ៉េ ចូលជួបសម្តែងការគួរសម នៅព្រឹកថ្ងៃទី០៤ ខែតុលា ឆ្នាំ២០២៤ នៅវិមានព្រឹទ្ធសភា។ ទាក់ទងទៅនឹងទំនាក់ទំនងរវាងប្រទេសទាំងពីរ សម្ដេចតេជោប្រមុខរដ្ឋស្ដីទី បានស្នើសុំឱ្យឯកឧត្តមឯកអគ្គរដ្ឋទូត មានការយោគយល់ចំពោះការដែលកម្ពុជាត្រូវបង្ខំចិត្តអនុវត្តសេចក្តីសម្រេចចិត្តរបស់ ក្រុមប្រឹក្សាសន្តិសុខអង្គការសហប្រជាជាតិ ចំពោះទណ្ឌកម្មលើសាធារណរដ្ឋប្រជាមានិតប្រជាធិបតេយ្យកូរ៉េ ដោយកម្ពុជា ជារដ្ឋសមាជិករបស់អង្គការសហប្រជាជាតិ ដូច្នេះកម្ពុជាត្រូវតែបង្ខំចិត្តអនុវត្តសេចក្តីសម្រេចចិត្តនានារបស់ក្រុមប្រឹក្សាសន្តិសុខអង្គការសហប្រជាជាតិ។ សម្ដេចតេជោបានមានប្រសាសន៍ថា ទណ្ឌកម្មនោះមិនត្រឹមតែប៉ះពាល់ដល់សាធារណរដ្ឋប្រជាមានិតប្រជាធិបតេយ្យប៉ុណ្ណោះនោះទេ ប៉ុន្តែប៉ះពាល់ដល់ប្រទេសនានា […]

ជំនួបសួរសុខទុក្ខរវាងសម្តេចតេជោ ហ៊ុន សែន និងឯកឧត្តម ថាក់ស៊ីន មិនបាននិយាយរឿងនយោបាយនោះទេ

  • rotha
  • កុម្ភៈ ២១, ២០២៤
  • 0

សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអញ្ជើញជួបសួរសុខទុក្ខឯកឧត្តម ថាក់ស៊ីន ស៊ីណាវ៉ាត្រា ហើយនាថ្ងៃទី២១ ខែកុម្ភៈ ឆ្នាំ២០២៤នេះ នៅប្រទេសថៃ

សម្ដេចកិត្ដិព្រឹទ្ធបណ្ឌិត ប៊ុន​ រ៉ានី ហ៊ុន សែន អញ្ជើញសំណេះសំណាល សួរសុខទុក្ខ និងចែកអំណោយមនុស្សធម៌ជូនប្រជាជនងាយរងគ្រោះបំផុតចំនួន ៦២១គ្រួសារ នៅខេត្ដកណ្ដាល

  • rotha
  • កក្កដា ៨, ២០២៥
  • 0

សម្ដេចកិត្ដិព្រឹទ្ធបណ្ឌិត ប៊ុន​ រ៉ានី ហ៊ុន សែន ប្រធានកាកបាទក្រហមកម្ពុជា នៅព្រឹកថ្ងៃចន្ទ ១២កើត ខែអាសាឍ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី៧ ខែកក្កដា ឆ្នាំ២០២៥ បានអញ្ជើញសំណេះសំណាល សួរសុខទុក្ខ និងចែកអំណោយមនុស្សធម៌ជូនប្រជាជនងាយរងគ្រោះបំផុតចំនួន ៦២១គ្រួសារ មកពីស្រុកកោះធំ ស្រុកស្អាង និងក្រុងសំពៅពូន ខេត្ដកណ្ដាល។ ពិធីសំណេះសំណាល […]