ក្រសួងអប់រំនិងKOICA រួមគ្នាលើកកម្ពស់សមត្ថភាព ICTសម្រាប់ការអប់រំនៅមធ្យមសិក្សាបឋមភូមិ

ការិយាល័យ KOICA ប្រចាំប្រទេសកម្ពុជា និងក្រសួងអប់រំ យុវជន និងកីឡា បានប្រារព្ធពិធីបិទវគ្គបណ្តុះបណ្តាលស្តីពី “ការលើក កម្ពស់សមត្ថភាព ICT សម្រាប់ការអប់រំនៅមធ្យមសិក្សាបឋមភូមិ” នៅមជ្ឈមណ្ឌលគរុកោសល្យភូមិភាគហ៊ុនសែនខេត្តកណ្តាលនៅថ្ងៃទី៤ខែសីហានេះ។   

អាជ្ញាធរ បើកទ្វារទឹកសង្គ្រោះស្រូវវស្សាជាង ១ម៉ឺន៥ពាន់ហិកតា នៅខេត្តបន្ទាយមានជ័យ

ក្រុមការងារបច្ចេកទេស ក្រសួងធនធានទឹក និងឧតុនិយម ដែលបានសាងសាង់សំណង់ ពោធិ៍ពីរដេីម កាត់ស្ទឹង នៅស្រុកមង្គលបូរី បានសហការជាមួយមន្រ្តីមន្ទីរធនធានទឹក និងឧតុនិយមខេត្តបន្ទាយមានជ័យ បាននាំយកឡានស្ទូច មកស្ទូចទម្លាក់ទ្ទារទឹក ទាំង០៣ទ្វារ ដេីម្បីបញ្ជូនទឹកទៅចែកចាយ និងស្រោចស្រព ដល់ស្រូវវស្សារយៈពេលខ្លី ចំនួន ១៥ ៥០០ហិកតា នៅស្រុកមង្គលបូរី ខេត្តបន្ទាយមានជ័យ កាលពីថ្ងៃសៅរ៍ ទី៥ ខែសីហា ឆ្នាំ២០២៣។ ដោយឡែក […]

រយៈពេល៧ខែ កម្ពុជាទទួលបានភ្ញៀវទេសចរផ្ទៃក្នុងជាង ១២លាននាក់

រយៈពេល៧ខែក្នុងឆ្នាំ២០២៣ នៅទូទាំងប្រទេសកម្ពុជាទទួលបានភ្ញៀវទេសចរផ្ទៃក្នុងប្រមាណជាង១២លាននាក់ ខណៈក្នុងខែកក្កដាកន្លងទៅមានភ្ញៀវទេសចរផ្ទៃក្នុងដើរទស្សនាប្រមាណ១លាន១សែននាក់។ សរុបរយៈពេល៧ខែឆ្នាំ២០២៣នេះ កម្ពុជាទទួលបានភ្ញៀវទេសចរផ្ទៃក្នុងសរុបប្រមាណ១២.១៨លាននាក់។ នេះបើតាមរបាយការណ៍របស់ក្រសួងទេសចរណ៍។ ក្រសួងទេសចរណ៍បានឲ្យដឹងថា ជាធម្មតាខែកក្កដា និងខែសីហាជាខែដែលមានចរន្តភ្ញៀវទេសចរផ្ទៃក្នុងតិច ដោយសារជារដូវភ្លៀង អាចមានជំនន់ទឹកភ្លៀងដោយកន្លែង។ ម្យ៉ាងវិញទៀត ខែទាំង២នេះមិនមានថ្ងៃឈប់សម្រាកជាតិទេ។ ប៉ុន្តែចរន្តភ្ញៀវនឹងចាប់ផ្តើមមានសន្ទុះខ្លាំងចាប់ពីខែកញ្ញាវិញ ជាមួយការប្រារព្ធពិធីកាន់បិណ្ឌនិងភ្ជុំបិណ្ឌ និងថ្ងៃឈប់សម្រាកនានា។ ក្រសួងទេសចរណ៍ថា រំពឹងទទួលបានភ្ញៀវទេសចរផ្ទៃក្នុងប្រមាណ១៦លាននាក់សម្រាប់ឆ្នាំ២០២៣នេះ ក្រោមទម្រង់អក្សរ V ដូចដែលព្យាករណ៍ក្នុងផែនទីចង្អុលផ្លូវស្តីពីការស្តារ និងលើកស្ទួយវិស័យទេសចរណ៍ក្នុង និងក្រោយដំណាក់កាលវិបត្តិជំងឺកូវីដ-១៩៕

ឯកឧត្តម ហ៊ុន ម៉ានី សម្តែងការសោកស្តាយចំពោះគ្រោះថ្នាក់ចរាចរណ៍ក្រឡាប់រថយន្តដឹកកម្មកររបួសធ្ងន់ស្រាល ៥១នាក់ នៅខេត្តកំពង់ស្ពឺ

“ខ្ញុំមានការសោកស្តាយដែលបានទទួលដំណឹងពីគ្រោះថ្នាក់ចរាចរណ៍ ក្រឡាប់រថយន្តដឹកកម្មករដែលបានកើតឡើងនៅក្នុងភូមិទ្រា ឃុំព្នាយ ស្រុកសំរោងទង ខេត្តកំពង់ស្ពឺ និងបានបង្ករបួសធ្ងន់ ស្រាល លើបងប្អូនកម្មករ កម្មការិនី ចំនួន ៥១ នាក់។ ខ្ញុំសូមចូលរួមសោកស្តាយចំពោះការរងគ្រោះ និងខាតបង់ទ្រព្យសម្បត្តិរបស់បងប្អូន និងសូមជូន ពរឱ្យជនរងគ្រោះទាំងអស់ឆាប់បានជាសះស្បើយ”។ នេះជាការលើកឡើងលើផេកហ្វេសប៊ុកឯកឧត្តម ហ៊ុន ម៉ានី អ្នកតំណាងរាស្រ្តមណ្ឌលកំពង់ស្ពឺ នៅព្រឹកថ្ងៃទី៦ ខែសីហា ឆ្នាំ២០២៣។ ជាមួយគ្នានេះ ឯកឧត្តមសូមថ្លែងអំណរគុណដល់អាជ្ញាធរខេត្ត […]

សម្តេចតេជោ ហ៊ុន សែន អរគុណអគ្គលេខាធិការបក្សកុម្មុយនិស្តវៀតណាម ដែលគាំទ្រយ៉ាងមុះមុតចំពោះរាជរដ្ឋាភិបាលថ្មី នឹកដឹកនាំដោយឯកឧត្តមបណ្ឌិត ហ៊ុន ម៉ាណែត

សម្ដេចតេជោ ហ៊ុន សែន ប្រធានគណបក្សប្រជាជនកម្ពុជានិងជានាយករដ្ឋមន្ត្រី បានជួបពិភាក្សាការងារជាមួយ ឯកឧត្តម ង្វៀន ហ្វូចុង អគ្គលេខាធិការនៃគណៈកម្មាធិការមជ្ឈិមបក្សកម្មុយនីស្តវៀតណាម តាមប្រព័ន្ធវីដេអូ កាលពីរសៀលថ្ងៃទី៥ ខែសីហា ឆ្នាំ២០២៣។ នៅក្នុងជំនួបនេះឯកឧត្តមអគ្គលេខាធិការ ង្វៀន ហ្វូចុង បានអបអរសាទរយ៉ាងកក់ក្ដៅ ចំពោះជ័យជម្នះដ៏ធំធេងរបស់គណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ នៃរដ្ឋសភានឹងបានកោតសរសើរអំពីតួនាទីដឹកនាំរបស់គណបក្សប្រជាជនកម្ពុជា ដែលមានសម្ដេចតេជោ ហ៊ុន សែន ជាមគ្គុទេសក៍ដ៏ឆ្នើមដែលបង្ហាញពីការជឿជាក់ […]

ក្រសួងប្រៃសណីយ៍ គ្រោងសាងសង់មជ្ឈមណ្ឌលបច្ចេកវិទ្យាសហគមន៍នៅវិទ្យាល័យចំនួន ៥៥៨ទូទាំងប្រទេស

ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និងឯកឧត្តម PARK Jung-Wook ឯកអគ្គរដ្ឋទូតនៃសាធារណរដ្ឋកូរ៉េ នារសៀលថ្ងៃទី៤ ខែសីហា ឆ្នាំ២០២៣ បានអញ្ជើញជាអធិបតីក្នុងពិធីសម្ពោធ កម្មវិធីវិញ្ញាបនបត្រវិទ្យាសាស្ត្រទិន្នន័យ (Data Science) របស់អង្គការយូណេស្កូ (University Twinning and Networking-UNITWIN) និងពិធីចុះអនុស្សរណៈយោគយល់រវាងសាកលវិទ្យាល័យ Handong Global សាធារណរដ្ឋកូរ៉េ និងគ្រឹះស្ថានឧត្ដមសិក្សាកម្ពុជាចំនួន៦ […]

គណបក្សប្រជាជនកម្ពុជាប្តេជ្ញាចិត្តថា រាជរដ្ឋាភិបាលកម្ពុជា នីតិកាលទី៧ នឹងខិតខំបន្តអនុវត្តកម្មវិធីនយោបាយដែលបានប្រកាសជូនជនរួមជាតិរួចហើយឲ្យបានជោគជ័យ

គណបក្សប្រជាជនកម្ពុជា បានចេញសេចក្តីថ្លែងការណ៍ប្រកាសទទួលយកលទ្ធផលនៃការបោះឆ្នោតឆ្នោតតំណាងរាស្ត្រ នីតិកាលទី៧ ដែលប្រកាសដោយគណៈកម្មាធិការជាតិរៀបចំការបោះឆ្នោតនៅថ្ងៃទី០៥ ខែសីហា ឆ្នាំ២០២៣នេះ ដែលគណបក្សប្រជាជនកម្ពុជាទទួលបានសន្លឹកឆ្នោតគាំទ្រដ៏លើសលប់ចំនួន ៨២.៣០%។ ក្នុងសេចក្តីថ្លែងការណ៍គណបក្សប្រជាជនកម្ពុជា ប្តេជ្ញាចិត្តយ៉ាងឱឡារិកចំពោះមុខប្រជាជនថា រាជរដ្ឋាភិបាលកម្ពុជា សម្រាប់នីតិកាលទី៧ នៃរដ្ឋសភា ដែលនឹងត្រូវបង្កើតឡើងក្នុងពេលដ៏ឆាប់ខាងមុខនេះ ហើយដែលមានឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី នឹងបន្តពង្រឹងធ្លុងសាមគ្គីភាពរបស់ប្រជាជាតិទាំងមូល ខិតខំបន្តអនុវត្តកម្មវិធីនយោបាយដែលបានប្រកាសជូនជនរួមជាតិរួចហើយឲ្យបានជោគជ័យ ឆ្លើយតបទាំងស្រុងទៅនឹងជំនឿទុកចិត្តរបស់ប្រជាជនមកលើគណបក្ស៕ អត្ថបទ៖ អក្ខរា

ក្រសួងសុខាភិបាល ច្រានចោលទាំងស្រុងចំពោះការផ្សាយថា ជំងឺអេដស៍កំពុងផ្ទុះឡើងជាង ១ពាន់នាក់

ក្រសួងសុខាភិបាល នៅយប់ថ្ងៃទី៤​ ខែសីហានេះ បានបញ្ជាក់ថា ការផ្សាយពីការផ្ទុះឡើងនៃជំងឺអេដស៍ជាង ១ពាន់នាក់ ជាព័ត៌មានមិនពិតទេ ហើយក្រសួងសុខាភិបាល ច្រានចោលទាំងស្រុង។ ក្រសួងក៏សូមម្ចាស់គណនីដែលបានផ្សាយនេះ បញ្ឈប់ការផ្សាយបែបនេះតទៅទៀត និងប្រាប់បងប្អូនសាធារណជនជ្រាប និងចូលរួមទប់ស្កាត់ការផ្សាយបែបបំភ័ន្តមិនពិតនេះផង។  ទន្ទឹមនេះ ក្រសួងសុខាភិបានសូមជូនសេចក្តីប្រកាសព័ត៌មានរួមគ្នារវាងអាជ្ញាធរជាតិប្រយុទ្ធនឹងជំងឺអេដស៍ មជ្ឈមណ្ឌលជាតិប្រយុទ្ធនឹងជំងឺអេដស៍ សេីស្បែកនិងកាមរោគ និងអង្គការយូអ៉ិនអេដស៍ (UNAIDS)៕ អត្ថបទ៖ អក្ខរា

គ.ជ.ប៖ ការប្រកាសផ្សាយលទ្ធផលបោះឆ្នោតបណ្ដោះអាសន្ន បានកន្លងផុតរយៈពេល ៧២ម៉ោង ពុំមានពាក្យបណ្ដឹងតវ៉ាណាមួយឡើយ

បន្ទាប់ពីការប្រកាសផ្សាយលទ្ធផលបណ្ដោះអាសន្ននៃការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ គិតត្រឹមថ្ងៃទី៤ ខែសីហា ឆ្នាំ២០២៣ វេលាម៉ោង ៧:០០ ព្រឹក រយៈពេល ៧២ ម៉ោងបានកន្លងផុត ហើយពុំមានពាក្យបណ្ដឹងតវ៉ាណាមួយត្រូវបានដាក់នៅគណៈកម្មាធិការជាតិ-រៀបចំការបោះឆ្នោត (គ.ជ.ប) និងនៅក្រុមប្រឹក្សាធម្មនុញ្ញឡើយ។ គ.ជ.ប នឹងប្រកាសផ្សាយលទ្ធផលផ្លូវការ ការបែងចែកអាសនៈ និងការកំណត់បេក្ខជនជាប់ឆ្នោត សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ នៅថ្ងៃទី៥ ខែសីហា ឆ្នាំ២០២៣ […]

ដំណឹងល្អ! មន្ទីរពេទ្យកុមារជាតិ ផ្តល់ការវះកាត់ភ្នែកស្រលៀង និងត្របកភ្នែកធ្លាក់របស់កុមារ ដោយឥតគិតថ្លៃ ពីថ្ងៃទី១៥-៣១ ខែកញ្ញា

មន្ទីរពេទ្យកុមារជាតិ នៅថ្ងៃី៤ ខែសីហា ឆ្នាំ២០២៣ បានឲ្យដឹងថា ផ្នែកចក្ឋុរោគនៃមន្ទីរពេទ្យកុមារជាតិ ដែលមានការចូលរួមពីវេជ្ជបណ្ឌិតឯកទេសជំងឺភ្នែកពីមន្ទីរពេទ្យហួណាននៃសារធារណរដ្ឋប្រជាមានិតចិន នឹងផ្ដល់ជូន ការវះកាត់ភ្នែកស្រលៀង និងត្របកភ្នែកធ្លាក់របស់កុមារ ដោយមិនគិតថ្លៃ ចាប់ពីថ្ងៃទី១៥ ដល់ថ្ងៃទី៣១ ខែកញ្ញា ឆ្នាំ​២០​២៣។ ដើម្បីសម្រួលការងារអោយកាន់តែល្អប្រសើនៃដំណើរការវះកាត់ មន្ទីរពេទ្យកុមារជាតិដល់សាធារណជនចុះឈ្មោះអ្នកជំងឺឲ្យបានទាន់ពេលវេលា មុននឹងមកធ្វើការវះកាត់។ សូមធ្វើការចុះឈ្មោះតាមរយៈ Link: https://forms.gle/VgLXPsWGu1Dhh3au5៕ អត្ថបទ​៖ អក្ខរា