Author: rotha

ក្រោយមានផ្ទុះបាតុកម្មក្លាយជាអំពើហិង្សាមិនធ្លាប់មានប្រឆាំងនឹងអំពើពុករលួយបានសម្លាប់មនុស្សយ៉ាងហោចណាស់ ៧២ នាក់ និងរងរបួសរាប់រយនាក់ ពេលនេះ ប្រទេសនេប៉ាល់ រកបាននាយករដ្ឋមន្ត្រីថ្មីរបស់ខ្លួនហើយ ជាមួយសារអំពាវនាវឱ្យមានភាពស្ងប់ស្ងាត់ ហើយបានជំរុញឱ្យប្រជាពលរដ្ឋរបស់ខ្លួនរួបរួមគ្នាដើម្បីកសាងប្រទេសឡើងវិញ។ នេះបើតាមសារព័ត៌មាន Aljazeera ចេញផ្សាយនៅថ្ងៃចន្ទ ទី១៥ ខែកញ្ញា។ លោកស្រី ស៊ូស៊ីឡា កាគី នាយករដ្ឋមន្ត្រីថ្មីរបស់នេប៉ាល់ បានថ្លែងនៅក្នុងសុន្ទរកថាជាសាធារណៈលើកដំបូងរបស់ខ្លួនកាលពីថ្ងៃអាទិត្យថា ប្រទេសនេះត្រូវតែស្តាប់ពលរដ្ឋវ័យក្មេងរបស់ខ្លួន។ ក្នុងន័យនេះ លោកស្រីសំដៅទៅលើក្រុមបាតុករប្រឆាំងអំពើពុករលួយថា យើងត្រូវតែធ្វើការស្របតាមការគិតរបស់យុវជនជំនាន់ Gen Z […]

ប្រព័ន្ធផ្សព្វផ្សាយរដ្ឋកូរ៉េខាងជើង KCNA បានរាយការណ៍ថា បេសកកម្មអចិន្ត្រៃយ៍របស់កូរ៉េខាងជើងប្រចាំអង្គការ​សហ​ប្រជាជាតិ បាននិយាយថា ឋានៈរបស់កូរ៉េខាងជើងជារដ្ឋអាវុធនុយក្លេអ៊ែរគឺមិនអាចកែប្រែបានឡើយ  ដោយរិះគន់ និងធ្វើការថ្កោសទោសដល់ការអំពាវនាវរបស់សហរដ្ឋអាមេរិកឱ្យរំសាយអាវុធនុយក្លេអ៊ែរ។ ប្រព័ន្ធផ្សព្វផ្សាយរដ្ឋកូរ៉េខាងជើង KCNA នៅថ្ងៃចន្ទ ទី១៥ ខែកញ្ញា បានស្រង់សម្ដីបេសកកម្មអចិន្ត្រៃយ៍របស់កូរ៉េខាងជើងប្រចាំអង្គការសហប្រជាជាតិ ដែលបានគូសបញ្ជាក់ថា ឋានៈរបស់សាធារណរដ្ឋប្រជាមានិតប្រជាធិបតេយ្យកូរ៉េ (កូរ៉េខាងជើង) ជារដ្ឋអាវុធនុយក្លេអ៊ែរដែលត្រូវបានចែងយ៉ាងច្បាប់ក្នុងច្បាប់កំពូល និងមូលដ្ឋានរបស់រដ្ឋ គឺមិនអាចកែប្រែបានឡើយ។ គួរឲ្យដឹងថា នៅក្នុងខណៈពេលថ្កោលទោសសហរដ្ឋអាមេរិកសម្រាប់ការជំរុញការរំសាយអាវុធនុយក្លេអ៊ែរ កូរ៉េខាងជើងថាជាសកម្មភាពបង្ករឿង និងជាការលូកលាន់កិច្ចការផ្ទៃក្នុង។ ទីក្រុងព្យុងយ៉ាងបានអះអាងទៀតថា អាវុធនុយក្លេអ៊ែររបស់ខ្លួនគឺជាជម្រើសមួយជៀសមិនរួចដើម្បីការពារប្រទេសជាតិពីការគំរាមកំហែងនុយក្លេអ៊ែរពីសំណាក់សហរដ្ឋអាមេរិក៕

កងកម្លាំងរបស់រុស្សុី បានបាញ់ទម្លាក់យន្តហោះដ្រូនសរុបចំនួន ២២១គ្រឿង របស់អ៊ុយក្រែន កាលពីវេលាយប់កន្លងទៅ ខណៈប្រទេសទាំងពីរ នៅតែបន្តប្រយុទ្ធគ្នាក្នុងសង្រ្គាមមួយ ដែលបានអូសបានជាង៣ឆ្នាំមកហើយ គិតចាប់តាំងពីរុស្ស៉ីបានបើកការឈ្លានពានលើអ៊ុយក្រែន កាលពីខែកុម្ភៈ ឆ្នាំ២០២២។ ទីភ្នាក់ងារព័ត៌មាន AFP បានផ្សាយនៅថ្ងៃសុក្រ ទី១២ ខែកញ្ញា បានឱ្យដឹងថា ប្រព័ន្ធការពារដែនអាកាសរបស់រុស្សុី បានបាញ់ស្ទាក់និងកម្ទេចយន្តហោះដ្រូនទាំងនោះ ដែលជាងពាក់កណ្តាល បានហោះនៅលើតំបន់ Bryansk និង Smolensk។ រីឯអាជ្ញាធរតំបន់ […]