ស្របពេលក្រសួងប្រកាសអំពីការរីករាលដាលជំងឺកូវីដ ១៩ និងផ្សព្វផ្សាយឱ្យប្រជាពលរដ្ឋទៅចាក់វ៉ាក់សាំងការពារជំងឺកូវីដ ១៩ ក្នុងរលកថ្មីនេះ មានប្រជាពលរដ្ឋ និងសិល្បករជាច្រើនបាននាំគ្នាទៅចាក់វ៉ាក់សាំងជាបន្តបន្ទាប់ ក្នុងនោះដែរ តារាសម្តែងលោក ទេព រិនដារ៉ូ ក៏បានទៅចាក់វ៉ាក់សាំងការពារជំងឺកូវីដ១៩ ជាលើកទី៦ ផងដែរ ដើម្បីសុវត្ថិភាពផ្លូវការនិងផ្លូវចិត្ត ។
លោក ទេព រិនដារ៉ូ បាននិយាយថា « ដោយមានផ្ទុះឡើងវិញកូវីត១៩ ថ្ងៃនេះក៏សំរេចចិត្តមកចាក់វ៉ាក់សាំង កូវីត១៩ លើកទី៦ នៅមជ្ឈមណ្ឌលសុខភាពទឹកថ្លា ។ រួមគ្នាទប់ស្កាត់ការឆ្លងរាលដាលកូវីត១៩ទាំងអស់គ្នា បងប្អូនរួមជាតិជាទីស្នេហា » ។
ក្រោយពីឃើញតារាសម្តែងដ៏មានប្រជាប្រិយភាពលោក ទេព រិនដារ៉ូ ប្រកាសទៅចាក់វ៉ាក់សាំងការពារជំងឺកូវីដ ១៩ បែបនេះ ធ្វើឱ្យមានការសរសើរខ្លាំងពីសំណាក់មកហាជន អ្នកខ្លះថែមទាំងខមមិននូវរូបភាពរបស់លោកផងដែរថា ពួកគេនឹងទៅចាក់វ៉ាក់សាំងកូវីដ១៩ ដូចជា Idol ដែរ ។
តារាសម្តែងជើងចាស់លោក ទេព រិនដារ៉ូ នៅតែមានហាងឆេងក្នុងសិល្បៈ បើទោះបីជាលោកមានវ័យកាន់តែច្រើន ប៉ុន្តែស្នាដៃសម្តែងរបស់លោកនៅតែអាចរក្សាបានដូចដើម និងត្រូវបានបណ្តាផលិតកម្មក្នុងនោងក្រៅប្រទេសហៅថតជាបន្តបន្ទាប់ ជាក់ស្តែងថ្មីៗនេះលោកទទួលថតភាពយន្តខ្នាតធំ និង រឿងដុំ ជាច្រើន ៕
