កញ្ញា ផន ស្រីពី ក្មេងស្រីលក់ខោអាវជជុះតាមផ្សារក្លាយជាម្ចាស់មកុដ Miss Cosmo Cambodia 2025 ! 

rotha

Miss Cosmo Cambodia 2025 បានបញ្ចប់ទៅដោយរលូនកាលពីរាត្រីថ្ងៃទី ៣០​ខែ ឧសភា ឆ្នាំ២០២៥ កន្លងមកនេះ ដោយកញ្ញា ផន ស្រីពី ពីក្មេងស្រីមើលកូនឱ្យគេ និងលក់ខោអាវជជុះតាមផ្សារ បានក្លាយទៅជាម្ចាស់មកុដ Miss Cosmo Cambodia 2025 តំណាង កម្ពុជា ទៅប្រកួតនៅលើឆាកអន្តរជាតិ ។ 

ការប្រកួតវគ្គផ្តាច់ព័ត្រ Miss Cosmo Cambodia 2025 មានការចូលរួមពីព្រះនាង នរោត្តម ជេនណា , លោក ជំទាវ ញ៉ែម មរតក រដ្ឋលេខាធិការនៃក្រសួងកិច្ចការនារី ព្រមទាំងបណ្តាម្ចាស់ក្រុមហ៊ុនធំៗ និងសិល្បករសិល្បការិនីជាច្រើនរូប ដោយម្នាក់ៗបានតុបតែងខ្លួនយ៉ាងស្រស់ស្អាតប្លែកពីគ្នា ។ លទ្ធផលនៃការប្រកួតយ៉ាងស្វិតស្វាញអស់ពេលជាច្រើនខែ ទីបំផុតកញ្ញា ផន ស្រីពី បានក្លាយទៅជាម្ចាស់មកុដ Miss Cosmo Cambodia 2025 ចំណែកកញ្ញា ប៊ី សុធារី គឺជាប់លំដាប់រងទី១ ។  មហាជនស្ទើរតែមិនជឿថា កញ្ញា ផន ស្រីពី អាចក្លាយទៅជាម្ចាស់មកុដក្នុងឆ្នាំនេះឡើយ ពីព្រោះកេរ្តិ៍ឈ្មោះរបស់នាងមិនសូវល្បីល្បាញដូចកញ្ញា ប៊ី សុធារី ។ 

អ្វីដែលកាន់តែអស្ចារ្យនោះគឺកញ្ញា ផន ស្រីពី ទទួលបានពានរង្វាន់ធំៗថែមពីលើដល់ទៅ៣ គឺពាន Best Swimsuit , Best In Evening Gown និង​  Best National Costume ដោយនាងបានគ្រងឈុតនាដការីរបាំព្រះរាជទ្រព្យ ដែលមានអាយុកាល ១០០ឆ្នាំ ដែលធ្វើឲ្យនាងកាន់តែទទួលបានប្រជាប្រិយភាពខ្លាំង ។ 

គួររំលឹកផងដែរថា កញ្ញា ផន ស្រីពី បានប្រឹងប្រែងតស៊ូក្នុងជីវិតយ៉ាងលំបាក និងបានឆ្លងកាត់នូវព្យុះភ្លៀងរាប់មិនអស់ រហូតបានដាក់ពាក្យចូលរួមប្រកួតសម្រស់នៅក្នុងកម្មវិធីជាច្រើន ប៉ុន្តែនាងមិនទទួលបានជោគជ័យឡើយ ដោយឡែកសម្រាប់ការប្រកួត Miss Cosmo Cambodia 2025 កញ្ញា ផន ស្រីពី បានធ្វើឱ្យមហាជនភ្លឺភ្នែក បន្ទាប់ពីដណ្តើមបានមកុដដ៏ធំនេះ ខណៈពេលដែលកញ្ញា ប៊ី សុធារី បានត្រឹមតែលំដាប់រងទី១ ។ 

កញ្ញា ផន ស្រីពី ជាក្មេងស្រីមួយរូបដែលកើតនៅក្នុងគ្រួសារមានជីវភាពខ្វះខាត ត្រូវគេមើលងាយគ្រប់បែបយ៉ាង ទាំងរូបសម្រស់ ពណ៌សប្បុរ និងមិនឱ្យតម្លៃ ហើយនាងធ្លាប់ជាក្មេងស្រីដែលដើរមើលកូនឱ្យគេ លក់ខោអាវជជុះតាមផ្សារ ដើម្បីយកលុយទុកជូនម្តាយផ្គត់ផ្គង់ជីវភាពគ្រួសារ ។ ដើម្បីស្វែងរកក្តីស្រមៃក្នុងជីវិត ផន ស្រីពី ក៏បានប្រលូកក្នុងសិល្បៈ និងបានចូលរួមប្រកួតក្នុងកម្មវិធីនានា រហូតបានក្លាយទៅជាម្ចាស់មកុដ Miss Cosmo Cambodia 2025 ។ 

ការបង្ហាញខ្លួនរបស់កញ្ញា ផន ស្រីពី ក្នុងវគ្គផ្ដាច់ព្រ័តរបស់ Miss Cosmo Cambodia  កញ្ញា ផន ស្រីពី បានធ្វើឲ្យមហាជន និងអ្នកគាំទ្រផ្ទុះការចាប់អារម្មណ៍ជាខ្លាំង នៅពេលដែលឃើញនាងបញ្ចេញសមត្ថភាព និងការតស៊ូមតិ ការឆ្លងឆ្លើយសំនួរចម្លើយ ដែលកញ្ញាពោរពេញទៅដោយ សមត្ថភាពខ្ពស់ មិនថាភាសា ឬភាពឆ្លាតវៃ ក៏ស្រីពី អាចគ្រប់គ្រងស្ថានការបានយ៉ាងល្អ ។ កញ្ញា ផន ស្រីពី បានត្រៀមខ្លួនរួចជាស្រេចដើម្បីតំណាង កម្ពុជា ទៅប្រកួតនៅលើឆាកអន្តរជាតិ បន្ទាប់ពីកញ្ញា អ៊ិន លក្ខិណា ៕

អត្ថបទទាក់ទង

អ្នក​ឧកញ៉ា ម៉ៅ ចំណាន ៖«អ្នក​ស្នង​មរតក»ជា​សក្ខីភាព​នៃការចាប់​ផ្តើម​កសាង​ធនធាន​សិល្បករជំនាន់​ថ្មី ពីព្រឹទ្ធសិល្បករ

  • ratha
  • ឧសភា ៣១, ២០២៤
  • 0

សមាគមសិល្បករខ្មែរ បានរៀបចំពិធីជួបជុំមហាគ្រួសារសិល្បករខ្មែរ លើប្រធានបទ «អ្នកស្នងមរតក» ក្រោមអធិបតីភាព សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា និងលោកជំទាវបណ្ឌិត ពេជ ចន្ទមុន្នី ព្រមទាំងព្រះវត្តមាន និងវត្តមានរបស់សម្តេចគណៈអធិបតី ភ្ញៀវកិត្តិយស សិល្បករ ថ្នាក់ដឹកនាំរាជរដ្ឋាភិបាល និងអ្នកជំនួញ ចូលរួមសរុបប្រមាណជិត ៣​០០០នាក់  នៅមជ្ឈមណ្ឌល OCIC ជ្រោយចង្វារ នាល្ងាចថ្ងៃទី៣១ ខែឧសភា ឆ្នាំ២០២៤។

ឆ្នាំនេះដឹងតែកក្រើកទៀតហើយ កម្ពុជា នឹងរួមចំណែកធ្វើជាម្ចាស់ផ្ទះសម្រាប់ការប្រកួត MGI 2024 

  • rotha
  • កក្កដា ៣០, ២០២៤
  • 0

គ្រាន់តែស្ថាប័ន Miss Grand Cambodia លោកស្រី អ៊ឹម សុគន្ធា ប្រកាសថា កម្ពុជា នឹងរួមចំណែកធ្វើជាម្ចាស់ផ្ទះសម្រាប់ការប្រកួត Miss Grand International 2024 ភ្លាមបានធ្វើឱ្យសិល្បករក៏ដូចជាមហាជនជាច្រើនសាទរ និង ដំណឹងដ៏ល្អនេះ ។ លោកស្រី អ៊ឹម សុគន្ធា បានរៀបរាប់ទាំងអារម្មណ៍ក្តុកត្តួលចិត្តថា « ទឹកភ្នែកខ្ញុំហូរដោយមិនដឹងខ្លួនហេតុអីបានជាខ្ញុំរំភើបម្ល៉េះ ហើយក៏មានអារម្មណ៍ថាភ័យដែរ ពីព្រោះជាលើកទីមួយសំរាប់ខ្ញុំ ហើយអរគុណបងប្អូនហ្វេនទាំងអស់គ្នាបើមិនមានកំលាំងចិត្តពីអ្នកទាំងអស់គ្នាទេ នាងខ្ញុំក៏មិនអាចធ្វើបានដែរ… នាងខ្ញុំខិតខំដើម្បីមុខមាត់ប្រទេសជាតិហើយ ខ្ញុំមិនចង់បានអ្វីទេ ចង់អោយតែប្រទេសកម្ពុជាយើងរីកចំរើនហើយអោយប្រទេសផ្សេងបានមកស្គាល់Cambodia អោយកាន់តែច្រើនឡើង…។ ទោះក្នុងពេលវេលានេះមិនទាន់សាកសម100%ក៏ដោយតែបើយើងមិនធ្វើក៏យើងមិនដឹងដែលថាលទ្ធផលនឹងត្រលប់មកវិញយ៉ាងណាដែរ? តែនាងខ្ញុំគិតថាឱកាសនេះ ពេលវេលាមួយនេះហើយដែលត្រូវជួយគ្នាបន្ថែម មិនអាចកាន់តែស្ងាត់ កាន់តែមិនធ្វើអីនោះទេ…ធ្វើបានកំរិតណាក៏ដោយ អោយតែមានឪកាសយើងត្រូវតែធ្វើឡើង មិនខុសអីពីការរកសុីទេ សង្ឃឹមថាអោយភ្ញៀវមកទិញយើងទាល់តែយើងចេះប្រម៉ូតផលិតផលមួយនោះថាមានអ្វីពិសេសខ្លះដែលធ្វើអោយគេចាប់អារម្មណ៍ ទិញតិចរឺក៏ច្រើនមិនសំខាន់យើងត្រូវតែប្រឹងប្រម៉ូតអោយច្រើនបំផុតដែលអាចធ្វើបាន ខ្ញុំជឿជាក់ថាជោគជ័យនឹងមិនរត់ចោលអ្នកតស៊ូព្យាយាមឡើយ សង្ឃឹមថាកម្មវិធី Miss Grand Cambodia រួមជាចំណែកមួយក្នុងការពង្រីកលើវិស័យទេសចរណ៍អោយកាន់តែខ្លាំងឡើង ដើម្បីទាក់ទាញភ្ញៀវពីជុំវិញពិភពលោកអោយមកទស្សនាប្រទេស កម្ពុជា បរវកញ្ញាជុំវិញពិភពលោក72ប្រទេស ពួកគាត់នឹងមកដល់ប្រទេសកម្ពុជាក្នុងពេលឆាប់ៗខាងមុខនេះ ហើយនាងខ្ញុំសូមអោយក្រសួងពាក់ព័ន្ធទាំងអស់ជួយជ្រោមជ្រែង […]

អ្នកស្រុក កោះធំ!ត្រៀមសប្បាយទាំងអស់គ្នាក្រុមហ៊ុន Khmer Beverage សហការជាមួយ Galaxy Navatra រៀបចំមហាព្រឹត្តិការណ៍ប្រគំតន្រ្តីខ្នាតយក្ស៊ ២ថ្ងៃជាប់គ្នា ប្រជុំដោយកំពូលតារាល្បីៗ

  • rotha
  • មករា ២២, ២០២៥
  • 0

មហាព្រឹត្តិការណ៍ប្រគំតន្រ្តីប្រចាំប្រទេស Dazz Tour Concert របស់ ក្រុមហ៊ុនខ្មែរ ប៊ែវើរីជីស សហការជាមួយផលិតកម្មGalaxy Navatra បានធ្វើដំណើរមកដល់ស្រុកកោះធំ ខេត្តកណ្តាលហើយ ដោយ ការប្រគំតន្ត្រីខ្នាតយក្សមួយនេះ នឹងនាំយកកំពូលតារាចម្រៀងប្រចាំប្រទេសជាច្រើនដួង មកអង្រួនឆាក បង្កើតទស្សនីយភាពដ៏អស្ចារ្យ បម្រើអារម្មណ៍ពុកម៉ែបងប្អូន អាចចូលរួមទទួលយកភាពសប្បាយរីករាយ និងរាំលេងកម្សាន្តជាមួយនឹង ចង្វាក់ភ្លេងគ្រប់ស្ទាយ ព្រមទាំងបានជួបជាមួយអាយដលជាច្រើនដួងផងដែរ ។ វត្តមានកំពូលតារាចម្រៀងជាច្រើនរូបមានដូចជា កំពូលតារាចម្រៀងប្រចាំប្រទេស លោក […]