បុរសជនជាតិយូដាជ្រុលនិយមរាប់រយនាក់បានបិទផ្លូវហាយវេដ៏ធំមួយក្នុងទីក្រុងហ្សេរុយសាឡឹមកាលពីថ្ងៃពុធ ដើម្បីតវ៉ាប្រឆាំងនឹងការចុះឈ្មោះចូលបម្រើយោធា។ នេះបើសារព័ត៌មាន Reuters ចេញផ្សាយ។
រថយន្តឯកជន និងរថយន្តក្រុងសាធារណៈបានឈប់តំរាបគ្នានៅច្រកចូលក្រុងយេរូសាឡឹមកាលពីល្ងាចថ្ងៃពុធ ខណៈដែលបាតុករ Haredi រាប់រយនាក់បានបិទផ្លូវទូទាំងប្រទេស។ បាតុកម្មនេះត្រូវបានរៀបចំឡើងដោយក្រុមជ្រុលនិយម«Jerusalem Faction» ដែលប្រឆាំងនឹងការចុះចូលរបស់សិស្ស Yeshiva។
បាតុករនៅក្រុងហ្សេរុយសាឡឹមបានផ្អាកចរាចរណ៍ចូលក្នុងរដ្ឋធានីអស់រយៈពេលជាងពីរម៉ោង។ នៅក្រោមស្ពាន Chords របស់ក្រុងយេរូសាឡឹម ក្រុមអ្នកតវ៉ា ភាគច្រើនជាបុរស Haredi បានស្រែកពាក្យស្លោកដ៏ពេញនិយមថា យើងនឹងស្លាប់ជាជាងការចុះឈ្មោះ និងស្លាកបដាប្រឆាំងនឹងការចូលបំរើយោធា។
ពួកគេនិយាយថា “ខ្ញុំនឹងចូលគុកដោយមោទនភាពជាជាងចូលបំរើកងទ័ព”។ បុរសពុកចង្កាម្នាក់នៅលើចិញ្ចើមផ្លូវកាន់បដាសរសេរថា៖ «ចោរឈប់ចាប់ពង្រត់យុវជនអ៊ីស្រាអែលទៅ!»៕
