លោកឧកញ៉ា ឡេង និមល អនុប្រធានសហព័ន្ធយុវជនបូជាការពារយុត្តិធម៌ បានបន្តបេសកកម្មដឹកនាំក្រុមយុវជន ទស្សនាប្រាសាទតាមាន់ធំ ដែលជាបេតិកភណ្ឌវប្បធម៌ដ៏សំខាន់នៅតាមបណ្ដោយព្រំដែន ព្រមទាំងជួបជជែកជាមួយបងៗវីរកងទ័ពជួរមុខកំពុងឈរជើងយ៉ាងរឹងមាំ ដើម្បីការពារដែនអធិបតេយ្យជាតិខ្មែរ។
ភ្ជាប់ជាមួយសកម្មភាពនេះ ក្នុងនាមជាយុវជនជួរក្រោយ លោកឧកញ៉ា ឡេង និមល បានលើកទឹកចិត្តនិងគាំទ្រវីរភាពកងទ័ពជួរមុខដ៏អង់អាចក្លាហានរបស់កម្ពុជា ដែលកំពុងឈរជើងការពារបូរណភាពទឹកដីតាមបណ្ដោយព្រំដែន ជាពិសេសប្រាសាទតាមាន់ធំដែលជារបស់ខ្មែរ។
គួរបញ្ជាក់ថា ចាប់តាំងពីកម្ពុជា និងថៃមានភាពតានតឹងប្រឈមមុខគ្នានៅតាមបន្ទាត់ព្រំដែន អ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនបូជាការពារយុត្តិធម៌ តែងតែបានចាត់ក្រុមការងារចល័តឈរជើងតាមបន្ទាត់ព្រំដែនកម្ពុជា-ថៃ បន្តចុះសួរសុខទុក្ខ ប្រគល់គ្រឿងឧបភោគបរិភោគ និងថវិកាជូនវីរៈកងទ័ពជួរមុខដែលកំពុងឈរជើងនៅច្រកព្រំដែន។
ការចុះដល់សមរភូមិផ្ទាល់នេះ គឺជាការគិតគូរ និងបង្ហាញនូវការគោរពស្រឡាញ់ដល់ទឹកចិត្ត និងវីរភាពរបស់បងៗកងកម្លាំងការពារជាតិរបស់យើង គាំទ្រកងទ័ពជួរមុខកម្ពុជាដ៏អង់អាច ក្នុងន័យបង្ហាញពីខឿនការពារជាតិ៕
