ក្រុមប្រឹក្សាអាកាសចរណ៍របស់អង្គការសហប្រជាជាតិបានសម្រេចថា រុស្សីជាអ្នកទទួលខុសត្រូវចំពោះការធ្លាក់យន្តហោះម៉ាឡេស៊ីលើទឹកដីអ៊ុយក្រែន ដែលបានសម្លាប់អ្នកដំណើរ និងនាវិកទាំងអស់ ២៩៨នាក់ រួមទាំងពលរដ្ឋហូឡង់ ១៩៦នាក់ និងពលរដ្ឋអូស្ត្រាលី ៣៨នាក់ ។ នេះបើយោងតាមរដ្ឋាភិបាលហូឡង់ និងអូស្ត្រាលីបានបញ្ជាក់នៅក្នុងសេចក្តីថ្លែងការណ៍ដាច់ដោយឡែកពីគ្នាកាលពីថ្ងៃទី១២ ខែឧសភានេះ។
ក្រុមប្រឹក្សានៃអង្គការអាកាសចរណ៍ស៊ីវិលអន្តរជាតិ (ICAO) នៅប៉ុន្មានសប្តាហ៍ខាងមុខនេះនឹងពិចារណាថាតើទម្រង់នៃសំណងបែបណាចំពោះរុស្សីដែលស្ថិតក្នុងលំដាប់។
កាលពីថ្ងៃទី១៧ ខែកក្កដា ឆ្នាំ២០១៤ ជើងហោះហើរ MH17 របស់ក្រុមហ៊ុនអាកាសចរណ៍ម៉ាឡេស៊ី បានចាកចេញពីទីក្រុង Amsterdam ទៅកាន់ទីក្រុង Kuala Lumpur ហើយត្រូវបានបាញ់ទម្លាក់នៅភាគខាងកើតប្រទេសអ៊ុយក្រែន ខណៈដែលការប្រយុទ្ធគ្នាបានកើតឡើងរវាងក្រុមផ្តាច់ខ្លួនដែលគាំទ្ររុស្ស៊ី និងកងកម្លាំងអ៊ុយក្រែន។
យោងតាមរដ្ឋមន្ត្រីការបរទេសហូឡង់ លោក ខាសផា វែលខាប់ (Caspar Veldkamp) បានឱ្យដឹងថា «ការសម្រេចចិត្តនេះគឺជាជំហានដ៏សំខាន់មួយឆ្ពោះទៅរកការបង្កើតការពិត និងការសម្រេចបាននូវយុត្តិធម៌ និងការទទួលខុសត្រូវសម្រាប់ជនរងគ្រោះទាំងអស់នៃជើងហោះហើរ MH17 និងក្រុមគ្រួសារ និងមនុស្សជាទីស្រលាញ់របស់ពួកគេ»។
លោកបានបន្ថែមថា ហូឡង់ និងអូស្ត្រាលីចង់ឱ្យក្រុមប្រឹក្សានៃអង្គការអាកាសចរណ៍ស៊ីវិលអន្តរជាតិ បញ្ជាឱ្យរុស្ស៊ីចូលក្នុងកិច្ចចរចាអំពីសំណង។
សូមជម្រាបដែរថា ក្រុមប្រឹក្សានៃអង្គការអាកាសចរណ៍ស៊ីវិលអន្តរជាតិ ខ្វះអំណាចបទប្បញ្ញត្តិ ប៉ុន្តែមានសុជីវធម៌ និងកំណត់ស្តង់ដារអាកាសចរណ៍សកល ដែលអនុម័តដោយរដ្ឋសមាជិកចំនួន ១៩៣ របស់ខ្លួន៕
ដោយ៖ ចិន្តា ទីទិ
