ប្រព័ន្ធផ្សព្វផ្សាយរដ្ឋ KCNA បាននិយាយនៅថ្ងៃចន្ទថា មេដឹកនាំកូរ៉េខាងជើងលោក Kim Jong Un បានត្រួតពិនិត្យខ្សែសង្វាក់ផលិតកម្មមីស៊ីលថ្មី និងដំណើរការស្វ័យប្រវត្តិកម្មផលិតមីស៊ីល។
ដំណើរទស្សនកិច្ចរបស់លោកកាលពីថ្ងៃអាទិត្យទៅកាន់ខ្សែសង្វាក់ផលិតកម្មមីស៊ីលបានធ្វើឡើងមុនដំណើរទស្សនកិច្ចដែលបានគ្រោងទុកទៅកាន់ទីក្រុងប៉េកាំងដើម្បីចូលរួមពិធីព្យុហយាត្រាយោធាជាមួយប្រធានាធិបតីចិន Xi Jinping និងប្រធានាធិបតីរុស្ស៊ីលោក Vladimir Putin ។
ប្រទេសកូរ៉េខាងជើងស្ថិតនៅក្រោមការដាក់ទណ្ឌកម្មអន្តរជាតិយ៉ាងធ្ងន់ធ្ងរលើកម្មវិធីអាវុធនុយក្លេអ៊ែរ និងកម្មវិធីមីស៊ីលផ្លោងរបស់ខ្លួនដែលត្រូវបានបង្កើតឡើងដោយបំពានលើដំណោះស្រាយរបស់ក្រុមប្រឹក្សាសន្តិសុខអង្គការសហប្រជាជាតិ។
លោក Kim បាននិយាយថា ដំណើរការផលិតទំនើបកម្ម នឹងជួយបង្កើនការត្រៀមខ្លួនប្រយុទ្ធរបស់អង្គភាពមីស៊ីលសំខាន់ៗ។ នេះបើយោងតាម KCNA ។
គួរឲ្យដឹងដែរថា កូរ៉េខាងជើងបានបញ្ជូនទាហាន កាំភ្លើងធំ និងកាំជ្រួចទៅកាន់រុស្ស៊ី ដើម្បីគាំទ្រក្រុងម៉ូស្គូក្នុងសង្គ្រាមប្រឆាំងអ៊ុយក្រែន៕
