ការបាក់ផ្ទាំងថ្មនៅឯកន្លែងយកថ្មមួយកន្លែងនៅតំបន់ Cirebon ក្នុងខេត្ត West Java បានសម្លាប់មនុស្ស ១៩ នាក់ របួស ៨ នាក់ និង ៦ នាក់ទៀតកំពុងបាត់ខ្លួន។
នេះបើយោងតាមទីភ្នាក់ងារស្វែងរក និងជួយសង្គ្រោះឥណ្ឌូនេស៊ី Basarnas បានបញ្ជាក់នៅថ្ងៃទី១ ខែមិថុនានេះ។
អាជ្ញាធរបានបន្តការស្វែងរករបស់ពួកគេកាលពីថ្ងៃអាទិត្យ ចំពោះមនុស្សដែលជាប់នៅក្នុងគំនរបាក់បែកបន្ទាប់ពីការដួលរលំកាលពីថ្ងៃសុក្រ។
យោងតាមក្រសួងថាមពល និងធនធានរ៉ែ នឹងស៊ើបអង្កេតមូលហេតុនៃការដួលរលំ និងធ្វើការវាយតម្លៃដើម្បីកំណត់អត្តសញ្ញាណដែលអាចកើតមានការបាក់ដីបន្ថែមទៀត។
តំបន់ Cirebon Regency ងាយនឹងមានចលនាដី ជាពិសេសនៅពេលដែលទឹកភ្លៀងមានលើសពីធម្មតា ខណៈពេលដែលតំបន់នៃការដួលរលំមានជម្រាលជ្រោះ។
យ៉ាងណាក៏ដោយ ខណៈពេលដែលកំពុងអនុវត្តការជម្លៀស និងកិច្ចខិតខំប្រឹងប្រែងស្វែងរក (អ្នកជួយសង្គ្រោះ) ត្រូវតែយកចិត្តទុកដាក់លើអាកាសធាតុ និងជម្រាលដ៏ចោត ហើយមិនត្រូវធ្វើសកម្មភាពក្នុងអំឡុងពេល និងក្រោយភ្លៀងធ្លាក់ខ្លាំងនោះទេ ព្រោះតំបន់នេះនៅតែមានសក្តានុពលសម្រាប់ការរអិលបាក់ដីបន្ថែមទៀតដែលអាចវាយប្រហារ ឬកប់មន្ត្រី៕
ដោយ៖ ចិន្តា ទីទិ
