នាយកដ្ឋានបង្ការគ្រោះមហន្តរាយរបស់ប្រទេសថៃ ព្រមានអំពីទឹកជំនន់ និងការបាក់ដីនៅជិតឧទ្យានជាតិ Phu Chi Fa ក្នុងខេត្ត Chiang Rai បន្ទាប់ពីមានភ្លៀងធ្លាក់ខ្លាំង។
នាយកដ្ឋានធនធានទឹកនៃក្រសួងធនធានធម្មជាតិ និងបរិស្ថាននៅថ្ងៃពុធនេះបានចេញសេចក្តីជូនដំណឹងសម្រាប់តំបន់ជុំវិញឧទ្យានជាតិ Phu Chi Fa ក្នុងខេត្តឈៀងរ៉ៃ។ ការព្រមាននេះធ្វើឡើងបន្ទាប់ពីមានភ្លៀងធ្លាក់ក្នុងកម្រិត ១៣០ មីលីម៉ែត្រក្នុងរយៈពេល ២៤ ម៉ោង និងទិន្នន័យពីរ៉ាដាអាកាសធាតុរបស់នាយកដ្ឋានឧតុនិយម ដែលបង្ហាញពីភ្លៀងធ្លាក់ជាបន្តបន្ទាប់ និងពពកគ្របដណ្តប់ដ៏អួរអាប់។
អាជ្ញាធរបានព្រមានថា អាកាសធាតុនេះអាចនាំឱ្យមានទឹកជំនន់ និងការបាក់ដីនៅតំបន់នោះ។ អាស្រ័យហេតុនេះ ឧទ្យានជាតិភូជីហ្វា បានណែនាំដល់ប្រជាពលរដ្ឋដែលរស់នៅក្នុងតំបន់ក្បែរនោះ មានការប្រុងប្រយ័ត្ន និងតាមដានព័ត៌មានថ្មីៗពីនាយកដ្ឋានឧតុនិយម ដើម្បីទទួលដំណឹងអំពីស្ថានភាពអាកាសធាតុ។
ជាមួយគ្នានេះ នាយកដ្ឋានបង្ការ និងកាត់បន្ថយគ្រោះមហន្តរាយ (DDPM) បានចេញសេចក្តីជូនដំណឹងព្រមានអំពីទឹកជំនន់កំពុងកើនឡើង និងកំទេចកំទីនៅឃុំ Tab Tao និងឃុំ Ngaw ក្នុងស្រុក Thoeng ខេត្ត Chiang Rai ដោយសារភ្លៀងធ្លាក់ខ្លាំង និងបន្តធ្លាក់ ខណៈប្រជាពលរដ្ឋនៅតំបន់ទំនាបត្រូវបានអាជ្ញាធរជំរុញឱ្យមានការប្រុងប្រយ័ត្នខ្ពស់៕
