ក្នុងចំណោមអ្នកឆ្លងថ្មី ៥០,១៣៣ នាក់គឺជាអ្នកជំងឺក្រៅ ខណៈ ២,៧៨៤ នាក់តម្រូវឱ្យចូលមន្ទីរពេទ្យ។ ចាប់តាំងពីដើមឆ្នាំ២០២៥ ចំនួនអ្នកឆ្លងបានកើនឡើងដល់ ១៨៦,៣០៨ នាក់ដោយមានអ្នកស្លាប់សរុបចំនួន ៤៤ នាក់។ នេះបើយោងតាមនាយកដ្ឋានគ្រប់គ្រងជំងឺ (DDC) បានឱ្យដឹងនៅថ្ងៃទី២៦ ខែឧសភានេះ។
ខេត្តចំនួនប្រាំដែលមានចំនួនករណីឆ្លងច្រើនជាងគេគឺទីក្រុងបាងកក (៩.៥៦០ ករណី) ខេត្តឈុនបុរី (៣.៣៣៧ ករណី) ខេត្តសាមុតប្រាកាន (២.៤៣៩ ករណី) ខេត្តនន់ថាបុរី (២.២៧៩ ករណី) និងខេត្តរ៉ាយ៉ុង (២.១៥២ ករណី) ។
ករណី Covid-19 នៅតែបន្តកើតមាន ជាពិសេសក្នុងរដូវវស្សា និងរដូវចូលរៀនឆ្នាំថ្មី ដែលបង្កើនហានិភ័យនៃការឆ្លងនៅកន្លែងដែលមានមនុស្សច្រើន ដូចជាការដឹកជញ្ជូនសាធារណៈ សាលារៀន មន្ទីរពេទ្យ និងមណ្ឌលថែទាំមនុស្សចាស់។
នាយកដ្ឋានគ្រប់គ្រងជំងឺ បានព្រមានថា «កុំនាំយកមេរោគទៅផ្ទះដល់ក្រុមដែលងាយរងគ្រោះ ដូចជាមនុស្សចាស់ ឬអ្នកដែលមានស្ថានភាពសុខភាពមូលដ្ឋាន»។
យោងតាមនាយកដ្ឋានវិទ្យាសាស្ត្រវេជ្ជសាស្ត្រ (DMSC) វ៉ារ្យ៉ង់ JN.1 នៅតែជាជំងឺលេចធ្លោនៅក្នុងប្រទេសថៃដែលមានចំនួន ៦៣.៩២% នៃករណីជាបន្តបន្ទាប់។ នាយកដ្ឋាននេះបានព្រមានថាខណៈពេលដែលភាពធ្ងន់ធ្ងររបស់វាបានធ្លាក់ចុះ វានៅតែបន្តរីករាលដាលយ៉ាងឆាប់រហ័ស៕
ដោយ៖ ចិន្តា ទីទិ
