Author: rotha

ឯកឧត្តម ជួន ប៊ិតថុល អនុរដ្ឋលេខាធិការ និងជានាយកគម្រោង តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម នាថ្ងៃព្រហស្បតិ៍ ទី១០ ខែកកក្កដានេះ បានដឹកនាំគណៈប្រតិភូធនាគារនីហរ័ណអាហរ័ណចិន (China-Eximbank) ចុះពិនិត្យជាក់ស្តែងវឌ្ឍនភាពការងារសាងសង់នៃគម្រោងអភិវឌ្ឍន៍អាងទឹកដងកាំបិត ក្នុងស្រុកសណ្តាន់ ខេត្តកំពង់ធំ។ ឯកឧត្តមអនុរដ្ឋលេខាធិការ បានបញ្ជាក់ឱ្យដឹងថា គិតត្រឹមថ្ងៃទី១០ ខែកក្កដា ឆ្នាំ២០២៥នេះ វឌ្ឍនភាពការងារសម្រេចបានប្រមាណ ៦៣,២%។ […]

សហគមន៍កសិកម្មទំនើបម្ទេសដំណាក់ត្រយឹង ខេត្តពោធិ៍សាត់ នាថ្ងៃទី១០ ខែកក្កដានេះ បានទទួលជំនួួយឥតសំណងពីគម្រោងពិពិធកម្មកសិកម្មកម្ពុជា(CASDP) របស់ធនាគារពិភពលោកសរុបចំនួន ១,២លានដុល្លារ ដើម្បីគាំទ្រដល់សកម្មភាពផលិតកម្មកម្រិតសហគមន៍របស់ពួកគេ។ កិច្ចព្រមព្រៀងហិរញ្ញប្បទានឥតសំណងនេះ មានទំហំសរុបចំនួន ១,២លានដុល្លារ ក្នុងនោះទឹកប្រាក់ចំនួនជាង៦មុឺនដុល្លារ ជាទុនបំពេញបន្ថែម៤០% សម្រាប់ការធ្វើផលិតកម្មម្ទេស និងថវិកា១,១លានដុល្លារទៀត សម្រាប់រៀបចំជាប្រព័ន្ធស្រោចស្រព ដោយមានការបំពាក់ទុយោមេចែកចាយទឹកដល់ភូមិប៊ុនរ៉ានីសែនជ័យទាំងមូលតែម្តង។ ក្រៅពីនេះ គឺជាការវិនិយោគសាធារណៈក្នុងទ្រង់ទ្រាយធំមួយពីសំណាក់រាជរដ្ឋាភិបាល ចាក់បញ្ចូលទៅក្នុងការអភិវឌ្ឍសេដ្ឋកិច្ចសហគមន៍មូលដ្ឋាន ដែលនឹងបានជាប្រយោជន៍យ៉ាងទូលំទូលាយដល់ការលើកកម្ពស់ជីវភាពរបស់បងប្អូនសម្បទានិកនៅក្នុងតំបន់អភិវឌ្ឍន៍មួយនេះ។  គួរបញ្ជាក់ថា ជំនួយឥតសំណងពីគម្រោងពិពិធកម្មកសិកម្មកម្ពុជា គឺជាផ្នែកមួយនៃកម្មវិធីដែលគាំទ្រថវិកាហិរញ្ញប្បទានដោយធនាគារពិភពលោក ដែលរួមមានជាសម្រាប់ជាទុនបំពេញបន្ថែម៤០%លើការវិនិយោគរបស់សហគមន៍ […]

អគ្គស្នងការដ្ឋាននគរបាលជាតិ នាថ្ងៃទី១១ ខែកក្កដានេះ បានសង្កេតឃើញមានការបង្ហោះផ្សព្វផ្សាយ និងចែករំលែកបន្តតាមបណ្តាញទំនាក់ទនងសង្គម នូវវីដេអូប្រើអំពីហឹង្សា របស់បុរសម្នាក់ធ្វើទារុណកម្មទៅលើស្រ្តីម្នាក់ក្នុងរថយន្ត ដោយយកដំបងឆក់ទៅលើស្រ្តីរូបនោះ។  យោងតាមការស្រាវជ្រាវជំនាញបានឱ្យដឹងថា វីដេអូដែលបានបង្ហោះផ្សព្វផ្សាយនោះ គឺមានប្រភពនៅឯបរទេស មិនមែនកើតឡើងក្នុងប្រទេសកម្ពុជានោះទេ រីឯស្រ្តីដែលរងអំពីហឹង្សា និងការធ្វើទារុណកម្មនោះក៍មិនមែនជនជាតិខ្មែរផងដែរ ។ ការបង្ហោះផ្សព្វផ្សាយ និងចែករំលែកនូវវីដេអូនេះ  អ្នកប្រើប្រាស់តាមបណ្តាញទំនាក់ទំនងសង្គម គ្រាន់តែចង់ចែករំលែកព័ត៌មាន អំពីអំពើហឹង្សានិងការធ្វើទារុណកម្មលើស្រ្តីដើម្បីអោយអ្នកប្រើប្រាស់តាមបណ្តាញទំនាក់ទំនងសង្គមនានាបានដឹង និងថ្កោលទោសចំពោះបុរសដែលប្រព្រឹត្តិនោះតែប៉ុណ្ណោះ។ អគ្គស្នងការដ្ឋាននគរបាលជាតិ សំណូមពរដល់អ្នកប្រើប្រាស់តាមបណ្តាញទំនាក់ទំនងសង្គមដែលបានបង្ហោះផ្សព្វផ្សាយ និងបានចែករំលែកនូវវីដេអូខាងលើ សូមលុប […]

ក្រុមការងារសហព័ន្ធយុវជនបូជាការពារយុត្តិធម៌  បន្តបេសកកម្មចុះជួប និងផ្តល់អំណោយជូនវីរកងទ័ពកម្ពុជានៅតាមបន្ទាត់ព្រំដែន កាលពីថ្ងៃទី០៩ ខែកក្កដា ឆ្នាំ២០២៥ ក្រុមការងារបានទៅដល់ច្រកព្រំដែនអានសេះ ដើម្បីផ្តល់កម្លាំងចិត្តកងទ័ពជួរមុខកម្ពុជា ដែលកំពុង​ឈរជើង​ការពារ​យ៉ាងរឹងមាំ​នៅ​សមរភូមិ​មុខ​ ដើម្បី​បុព្វហេតុ​ការពារ​អធិបតេយ្យជាតិ បូរណភាព​ដែនដី និង​សុខសន្តិភាព ជូន​ជាតិ​មាតុភូមិ និង​ប្រជាពលរដ្ឋ។ ការចុះដល់សមរភូមិផ្ទាល់របស់ក្រុមការងារ ធ្វើឡើងតាមអនុសាសន៍ណែនាំរបស់អ្នកឧកញ៉ា ឡេង ណាវ៉ាត្រា ប្រធានសហព័ន្ធយុវជនបូជាការពារយុត្តិធម៌ ដែលអ្នកឧកញ៉ាតែងតែបានគិតគូរ និងបង្ហាញនូវការគោរពស្រឡាញ់ដល់ទឹកចិត្ត និងវីរភាពរបស់បងៗកងកម្លាំងការពារជាតិរបស់យើង គាំទ្រកងទ័ពជួរមុខកម្ពុជាដ៏អង់អាច ក្នុងន័យបង្ហាញពីខឿនការពារជាតិ។ លោក […]

ក្រុមការងារគ្រប់គ្រងមូលនិធិ កសាងហេដ្ឋារចនាសម្ព័ន្ធតាមព្រំដែន បានជូនដំណឹងដល់សាធារណជនទាំងអស់ឱ្យបានជ្រាបអំពីវឌ្ឍនភាពនៃការកសាងផ្លូវក្រវាត់ព្រំដែន ដោយផ្តោតលើការកសាងផ្លូវក្រវាត់ព្រំដែន។ គិតចាប់ពីខែធ្នូ ឆ្នាំ២០២៤ មកដល់បំណាច់ខែមិថុនា ឆ្នាំ២០២៥ នេះគម្រោងកសាងហេដ្ឋារចនាសម្ព័ន្ធតាមព្រំដែនទទួលបានលទ្ធផលដូចខាងក្រោម៖ ១. ក្រុមការងារចំពោះកិច្ច ក.គ.ម បានចាត់បញ្ជូនកម្លាំងវិស្វកម្មកសាងផ្លូវ ចំនួន ៨ កងឯកភាព ដោយប្រើប្រាស់ រថយន្ត-គ្រឿងចក្រ និងម៉ាស៊ីនគ្រប់ប្រភេទ ចំនួន ២៨៦ គ្រឿង ក្នុងនោះនៅខេត្តមណ្ឌលគិរី មាន ៥ […]