គួរឱ្យសរសើរ ! តារាចម្រៀង អេដា ក្លាយជាអ្នកម្តាយគំរូបំបៅកូនដោយទឹកដោះរហូតដល់អាយុ២ឆ្នាំ៥ខែ ! 

ទីបំផុតតារាចម្រៀង អេដា សម្រេចបំណងខ្លួនដោយបានជ្រើសរើសវិធីបំបៅកូដោយទឹកដោះរហូតដល់ទៅ២ឆ្នាំ ៥ខែ តាមក្តីប្រាថ្នា ។

តារាចម្រៀង អេដា ត្រូវបានចាត់ទុកជាអ្នកម្តាយគំរូសម័យថ្មី ដែលបានជ្រើសរើសវិធីបំបៅកូនដោយទឹកដោះដែលមានរយៈពេលយូរជាងគេបំផុត ។ 

តារាចម្រៀងរ៉េប អេដា បានរៀបរាប់ថា « Mommy ផ្តាច់ដោះអូនបានសម្រេចហើយ ។ ទីបំផុតខ្ញុំអាចធ្វើបានលើស Target គឺបំបៅដោះសុទ្ធដល់អូន Atlas បានរហូតដល់ទៅ២ឆ្នាំ ៥ខែ ។ តាំងពីទម្ងន់រហូតដល់កើតជាង៣ឆ្នាំមកនេះ Mommy លះបង់អស់ហើយកូន កាហ្វេ តែ អាកុល ការគេង…» ។ 

បន្ទាប់ពីឃើញតារាចម្រៀងរ៉េប អេដា បង្ហាញនូវអារម្មណ៍រីករាយក្នុងការបំបៅកូនដោយទឹកដោះដែលមានរយៈយូរបបែបនេះធ្វើឱ្យ អ្នកគំាទ្រជាច្រើនលាន់មាត់សរសើរនាងគ្រប់ៗគ្នា ។ 

កន្លងមកតារាចម្រៀង អេដា ក៏ធ្លាប់ប្រាប់ផងដែរថា នាងមានក្តីស្រមៃចង់បំបៅដោះកូនដោយទឹកដោះឱ្យបានយូរបំផុត ប្រសិនបើអាចធ្វើទៅបាន ពីព្រោះកាលនៅក្បែរកូន និងបំបៅដោះកូន គឺជាក្តីសុខរបស់ម្តាយ ដែលបានផ្តល់ភាពកក់ក្តៅដល់កូន និងបានមើលមុខកូនយូរ ។ 

មិនថាលំបាកយ៉ាងណា អេដា សូមផ្ញើសារជូនដល់មាតាគ្រប់រូបថា ការបំបៅកូនដោយទឹកដោះពិតជាមានសារៈសំខាន់ណាស់ ។

អេដា នឹងវិលត្រឡប់មកកាន់វិស័យចម្រៀងឡើងវិញក្នុងពេលឆាប់ៗខាងមុខ បន្ទាប់ពីកូនរបស់ខ្លួនធំ បើទោះបីនាងមានស្វាមីជាអ្នកមានទ្រព្យ តែនាងនៅតែស្រឡាញ់វិស័យចម្រៀង និងត្រៀមបង្កើតបទចម្រៀងថ្មីៗដើម្បីបំរើអារម្មណ៍អ្នកគាំទ្រខ្លួន ៕