តៃវ៉ាន់បានបាញ់សាកល្បងជាលើកដំបូងនូវប្រព័ន្ធរ៉ុក្កែតថ្មីដែលផ្គត់ផ្គង់ដោយសហរដ្ឋអាមេរិកដែលត្រូវបានប្រើប្រាស់យ៉ាងទូលំទូលាយដោយអ៊ុយក្រែនប្រឆាំងនឹងរុស្ស៊ីហើយអាចត្រូវបានដាក់ពង្រាយដើម្បីវាយប្រហារគោលដៅនៅក្នុងប្រទេសចិនប្រសិនបើមានសង្គ្រាមជាមួយតៃវ៉ាន់។ នេះបើយោងតាមអង្គភាព Reuters ចេញផ្សាយនៅថ្ងៃទី ១២ ខែឧសភានេះ។
សហរដ្ឋអាមេរិក គឺជាអ្នកផ្គត់ផ្គង់អាវុធដ៏សំខាន់បំផុតរបស់តៃវ៉ាន់ បើទោះបីជាមិនមានទំនាក់ទំនងការទូតផ្លូវការក៏ដោយ។ តៃវ៉ាន់បានប្រឈមមុខនឹងសម្ពាធយោធាកើនឡើងពីប្រទេសចិន រួមទាំងការប្រកួតសង្រ្គាមជាច្រើនលើកផងដែរ ខណៈដែលទីក្រុងប៉េកាំងព្យាយាមអះអាងការទាមទារអធិបតេយ្យភាពរបស់ខ្លួនលើកោះនេះ។
តៃវ៉ាន់បានទិញយន្តហោះចម្បាំង Lockheed Martin’s ចំនួន ២៩ គ្រឿងដែលមានសមត្ថភាពខ្ពស់។ ជាមួយនឹងចម្ងាយប្រហែល ៣០០ គីឡូម៉ែត្រ ពួកគេអាចវាយប្រហារគោលដៅឆ្នេរសមុទ្រក្នុងខេត្ត Fujian ភាគខាងត្បូងរបស់ប្រទេសចិន នៅម្ខាងទៀតនៃច្រកសមុទ្រតៃវ៉ាន់ ក្នុងករណីមានជម្លោះ។
ក្រុមយោធាតៃវ៉ាន់ដែលបណ្តុះបណ្តាលដោយសហរដ្ឋអាមេរិកបានបាញ់រ៉ុក្កែតចេញពីមជ្ឈមណ្ឌលសាកល្បង Jiupeng នៅលើផ្នែកដាច់ស្រយាលនៃឆ្នេរសមុទ្រប៉ាស៊ីហ្វិក។
ការសាកល្បងនេះបានកើតឡើងមួយថ្ងៃបន្ទាប់ពីតៃវ៉ាន់បានលើកឡើងថា ខ្លួនបានរកឃើញ «ការល្បាតត្រៀមប្រយុទ្ធរួមគ្នា» មួយផ្សេងទៀតដោយយោធារបស់ចិននៅជិតកោះនេះ ពាក់ព័ន្ធនឹងយន្តហោះចម្បាំង និងនាវាចម្បាំង៕
ដោយ៖ ចិន្តា ទីទិ
