មនុស្សជាង ៥០០ នាក់ត្រូវបានចាប់ខ្លួនក្នុងអំឡុងពេលប្រារព្ធពិធីចុងក្រោយនៃក្របខ័ណ្ឌ Champions League នៅប្រទេសបារាំង ហើយមនុស្ស ២ នាក់ត្រូវបានគេរាយការណ៍ថាបានបាត់បង់ជីវិត និង ១៩២ នាក់បានរងរបួស ខណៈដែលពិធីបន្ថែមទៀតត្រូវបានគ្រោងទុកនៅថ្ងៃអាទិត្យ។ នេះបើយោងតាមក្រសួងមហាផ្ទៃបានបញ្ជាក់នៅថ្ងៃទី១ ខែមិថុនានេះ។
ការប្រារព្ធពិធីអបអរសាទរបានផ្ទុះឡើងនៅទូទាំងរដ្ឋធានីរបស់ប្រទេសបារាំង បន្ទាប់ពីក្រុម Paris St Germain បានផ្តួលគូប្រជែងអ៊ីតាលី ក្រុម Inter Milan ដើម្បីឈ្នះពានរង្វាន់ Champions League ជាលើកដំបូង។
ការវាយតម្លៃបណ្តោះអាសន្នរបស់ក្រសួងមហាផ្ទៃនៅព្រឹកថ្ងៃអាទិត្យគឺមនុស្ស ៥៥៩ នាក់ត្រូវបានចាប់ខ្លួន ក្នុងនោះមាន ១៩២ នាក់រងរបួស។
យោងតាមក្រសួងមហាផ្ទៃបានឱ្យដឹងថា មានភ្លើងឆេះឡានរាប់រយគ្រឿងក្នុងនោះមានរថយន្តជាង២០០គ្រឿងបានឆេះ។ សមាជិកកងកម្លាំងសន្តិសុខ២២នាក់ និងអ្នកពន្លត់អគ្គិភ័យ៧នាក់បានរងគ្រោះ។
Nunez បានព្រមានថាការប៉ះទង្គិចគ្នាច្រើនទៀតអាចកើតឡើងនៅថ្ងៃអាទិត្យ ខណៈ PSG នឹងដង្ហែនៅកីឡដ្ឋាន Champs Elysees មុនពេលប្រារព្ធពានជាមួយអ្នកគាំទ្ររបស់ពួកគេនៅកីឡដ្ឋាន Parc des Princes។
ជម្រាបដែរថា មានតែអ្នកដែលចូលរួមក្នុងក្បួនដង្ហែរប៉ុណ្ណោះនឹងត្រូវបានអនុញ្ញាតឱ្យចូលរួមអតិបរមាត្រឹមតែជាង ១០០,០០០ នាក់ត្រូវបានកំណត់ លើសពីនេះ គ្មាននរណាម្នាក់ផ្សេងទៀតនឹងត្រូវបានអនុញ្ញាតឱ្យចូលនោះទេ៕
ដោយ៖ ចិន្តា ទីទិ
