តុលាការធម្មនុញ្ញរបស់ប្រទេសថៃនៅថ្ងៃសុក្រនេះនឹងសម្រេចជោគវាសនារបស់នាយករដ្ឋមន្ត្រី លោកស្រី Paetongtarn Shinawatra នៅក្នុងករណីដែលអាចឃើញលោកស្រីនឹងត្រូវបានបណ្តេញចេញពីតំណែង បន្ទាប់ពីកាន់អំណាចបានត្រឹមតែមួយឆ្នាំប៉ុណ្ណោះ ដែលអាចនឹងនាំមកនូវភាពចលាចលនៅខាងមុខ ទោះជាលទ្ធផលបែបណាក៏ដោយ។
លោកស្រី Paetongtarn កូនស្រីរបស់អតីតនាយករដ្ឋមន្រ្តីដែលទម្លាក់ចេញពីតំណែងដោយរដ្ឋប្រហារ ថាក់ស៊ីន ស៊ីណាវ៉ាត្រា ត្រូវបានចោទប្រកាន់ថា បានបំពានក្រមសីលធម៌ក្នុងការសន្ទនាតាមទូរស័ព្ទកាលពីខែមិថុនាជាមួយសម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅពេលដែលប្រទេសទាំងពីរឈានដល់ជម្លោះព្រំដែនប្រដាប់អាវុធ។
លោកស្រីអាចក្លាយជានាយករដ្ឋមន្ត្រីទី៥ ក្នុងរយៈពេល ១៧ ឆ្នាំដែលត្រូវបានដកពីតំណែងដោយតុលាការធម្មនុញ្ញថៃ។
សូមបញ្ជាក់ថា សាលក្រម របស់តុលារ ត្រូវ កំណត់ ប្រកាសនៅចន្លោញម៉ោង ៣ រសៀល នេះ ហើយប្រសិនបើលោកស្រីត្រូវបានបណ្តេញចេញពីតំណែង នោះនឹងមានភាពវឹកវរ មុនពេលសភាជ្រើសរើសនាយករដ្ឋមន្ត្រីបន្ទាប់ដែលអាចមកពីគណបក្សភឿថៃដែលកំពុងកាន់អំណាច៕
