ប្រធានាធិបតីចិន លោក ស៊ី ជីនពីង បាននិយាយសង្កត់ធ្ងន់ថា ការអភិវឌ្ឍន៍ និងការរស់ឡើងវិញរបស់ប្រទេសចិន ដើរទន្ទឹមគ្នាជាមួយនឹងចក្ខុវិស័យរបស់ប្រធានាធិបតី ដូណាល់ ត្រាំ ដើម្បី “ធ្វើឱ្យអាមេរិកអស្ចារ្យម្តងទៀត” ។ លោកបានគូសបញ្ជាក់ថា ប្រទេសយើងទាំងពីរអាចជួយគ្នាទៅវិញទៅមកបានជោគជ័យ និងរីកចម្រើនជាមួយគ្នា។
នៅចំពោះមុខសារព័ត៌មាន លោក ត្រាំ បានចាប់ដៃជាមួយលោក ស៊ី ប្រកបដោយភាពកក់ក្ដៅ និងបាននិយាយថា ពួកលោកមានទំនាក់ទំនងល្អណាស់ ហើយលោកទាំងពីរក៏ដឹងគ្នាហើយដែរ។
នៅក្នុងជំនួបជាលើកដំបូង ក្រោយខកខានអស់ពេល ៦ឆ្នាំ នៅថ្ងៃទី៣០ ខែតុលាអំឡុងចុះចតនៅទីក្រុង Busan សម្រាប់កិច្ចប្រជុំមេដឹកនាំសេដ្ឋកិច្ច APEC លើកទី ៣២ នៅទីក្រុង Gyeongju ប្រទេសកូរ៉េខាងត្បូង ដោយលោក ស៊ី បានកត់សម្គាល់ប្រាប់លោក ត្រាំ ថា ប្រទេសចិន និងសហរដ្ឋអាមេរិកគួរតែជាដៃគូ និងជាមិត្ត។ នោះហើយជាអ្វីដែលប្រវត្តិសាស្ត្របានបង្រៀនយើង និងអ្វីដែលការពិតត្រូវការ។
លោក ស៊ី បាននិយាយយ៉ាងដូច្នេះថា៖ “ខ្ញុំត្រៀមខ្លួនជាស្រេចដើម្បីបន្តធ្វើការជាមួយអ្នកដើម្បីកសាងមូលដ្ឋានគ្រឹះដ៏រឹងមាំសម្រាប់ចិន-អាមេរិក។ ទំនាក់ទំនង និងបង្កើតបរិយាកាសល្អសម្រាប់ការអភិវឌ្ឍន៍នៃប្រទេសទាំងពីរ”។ នេះបើយោងតាមអ្នកនាំពាក្យក្រសួងការបរទេសចិន លោកស្រី Mao Ning បានឲ្យដឹងលើបណ្តាញសង្គមនៅថ្ងៃទី៣០ ខែតុលា ក្រោយជំនួបមេដឹកនាំទាំងពីរ៕
