កុំរំលងឱ្យសោះបងប្អូន ព្រឹត្ដិការណ៍ប្រណាំងឡាន OFFROAD នៅគិរីរម្យ បានចាប់ផ្ដើមដំណើរការហើយ ចាប់ពីថ្ងៃទី២៧ ដល់ថ្ងៃទី២៩ ខែមិថុនា ឆ្នាំ២០២៥នេះ ដោយមានការរៀបចំឡើងដោយ OFFROAD CAMBODIA និងក្រុមហ៊ុន វិរៈប៊ុនថាំ អេចប្រេស របស់អ្នកឧកញ៉ា សួរ វីរៈ។
បើយោងតាមគណៈកម្មការ OFFROAD បានឱ្យដឹងថា ការរៀបចំព្រឹត្ដិការណ៍ប្រណាំងឡាន OFFROAD នេះបានគឺកើតឡើងទៅបានដោយសារកត្ដាធំៗជាច្រើន ដែលមានដូចជា៖ ទី១, កើតឡើងដោយការស្រឡាញ់ចេញពីបេះដូង។ ទី២, ក្នុងនាមជាអ្នកស្រឡាញ់វិស័យនេះ លោកមានឆន្ទៈចង់ឱ្យមានធនធានមនុស្សក្នុងវិស័យនេះកាន់តែច្រើនដើម្បីចូលរួមប្រកួតខ្នាតអន្ដរជាតិ។
លោកបានបន្ថែមទៀតថា ព្រឹត្ដិការណ៍នេះនឹងមិនអាចទទួលបានជោគជ័យនោះទេ ប្រសិនបើមានតែលោកជាអ្នករៀបចំឱ្យកើតឡើងនោះ គឺទាល់តែមានវត្ដមានកីឡាករដែលស្រឡាញ់វិស័យប្រណាំងឡានចូលរួម និងបងប្អូនយើងចូលរួមលើកទឹកចិត្ដ និងទស្សនា។
គណៈកម្មការ OFFROAD បានគូសបញ្ជាក់ថា ព្រឹត្ដិការណ៍ប្រណាំងឡាន OFFROAD ស្វាគមន៍បងប្អូនទាំងអស់គ្នាចូលរួមទស្សនា ហើយវត្ដមានរបស់បងប្អូនទាំងអស់គ្នាគឺជាកត្ដាមួយជំរុញវិស័យកីឡាយានយន្ដ និងទេសចរណ៍កម្ពុជាឱ្យកាន់តែល្អប្រសើរឡើងមួយកម្រិតទៀត។ វត្ដមានរបស់បងប្អូនទាំងអស់គ្នា គឺជាចំណែកមួយនៃជោគជ័យរបស់ពួកយើង។
សូមជម្រាបជូនថា នៅក្នុងព្រឹត្ដិការណ៍ប្រណាំងឡាន OFFROAD នេះគឺមានវត្ដមានបងប្អូនអ្នកដែលស្រឡាញ់វិស័យប្រណាំងឡានចូលរួមប្រកួតជាច្រើន។ ក្នុងនោះគេក៏ឃើញមានការចូលរួមប្រកួតដោយ Camcar Collectionផងដែរ។ លោក ឡាយ ភាល័យ ម្ចាស់ Camcar Collection បានឱ្យដឹងថា នៅក្នុងការចូលរួមប្រកួតនេះ គឺលោកមានគោលបំណងចង់ឱ្យមានការចូលរួមគាំទ្រឱ្យបានច្រើនក្នុងវិស័យ OFFROAD។
ឆ្លៀតនៅក្នុងឱកាសនេះផងដែរ សម្រាប់បងប្អូនដែលជាគាំទ្រ Camcar Collection លោកឡាយ ភាល័យ ក៏មានកាដូរពិសេសចំនួន២៥ ចែកជូនបងប្អូនផងដែរ។
សូមគូសបញ្ជាក់ផងដែរថា ព្រឹត្ដិការណ៍ប្រណាំងឡាន OFFROADនេះចាប់ផ្ដើមនៅថ្ងៃទី១ ត្រូវនឹងថ្ងៃទី២៧នេះ ដោយក្រុម A ប្រណាំង 2SS, B ប្រណាំង 2SS និង Cប្រណាំង1SS។ ថ្ងៃទី២ A ប្រណាំង 4SS, Bប្រណាំង 2SS, Cប្រណាំង 2SS។ ថ្ងៃទី៣ គឺជាថ្ងៃប្រកួតផ្ដាច់ព័ត្រ ដោយកម្មវិធីបញ្ចប់ដោយការចែកពានក្រោមអធិបតីភាព ឯកឧត្ដម ទៀ ស្យាម៕
តោះចុះឈ្មោះទទួលបាន អាវទទួលបាន ប្រេងពី Camcarតោះចុះឈ្មោះទទួលបាន អាវទទួលបាន ប្រេងពី Camcar Date : 29/06/2025 11:00 ជួបគ្នានៅស្តង់ Camcar X Nomad
Posted by Camcar Collection on Thursday, June 26, 2025
