Author: Phea ra

​ដ្បិតតែផ្ទុះនៅឥណ្ឌា ប៉ុន្តែជំងឺនីបាហ៍ កំពុងបង្កក្តីបារម្ភនៅជុំវិញពិភពលោក ខណៈវាជាជំងឺងាយឆ្លងដ៏កាចសាហាវស្រដៀងគ្នានឹងជំងឺរាតត្បាតកូវីដ-១៩ដែរ។  ដ្បិតតែវីរុសនីប៉ាហ៍ មិនទាន់ឆ្លងរាតត្បាតខ្លាំងជាសកល ប៉ុន្តែប្រទេសនានាកំពុងចាត់វិធានការទប់ស្កាត់ ដោយបង្កើនការត្រួតពិនិត្យនៅតាមច្រកព្រំដែន និងព្រលានយន្តហោះ ចំពោះអ្នកដំណើរដែលមកពីតំបន់ផ្ទុះមេរោគជាពិសេសឥណ្ឌា ហើយត្រៀមលក្ខណៈបច្ចេកវិទ្យាតេស្ត និងឱសថព្យាបាលជាដើម។ សម្រាប់កម្ពុជាក្រសួងសុខាភិបាលបាននិងកំពុងបង្កើនការប្រុងប្រយ័ត្នខ្ពស់កុំឱ្យមានការរបូតជំងឺនីប៉ាស៍ចូលក្នុងប្រទេស។ជាក់ស្តែងឯកឧត្តម ឈាងរ៉ារដ្ឋមន្ត្រីក្រសួងសុខាភិបាលជាមួយក្រុមហ៊ុនខេមបូឌាអ៊ែរផតអិនវេសមិនខូអិលធីឌីឯ.ក (CAIC) និងថ្នាក់ដឹកនាំទទួលបន្ទុកជំងឺឆ្លងវិទ្យាស្ថានជាតិសុខាភាពសាធារណៈវិទ្យាស្ថានប៉ាស្ទ័រអគ្គនាយកដ្ឋានអន្តោប្រវេសន៍អគ្គនាយកដ្ឋានគយនិងរដ្ឋាករកម្ពុជាមន្រ្តីចត្តាឡីស័ក នៅថ្ងៃទី២៨ខែមករាឆ្នាំ២០២៦  បានចុះពិនិត្យកាអនុវត្តការងារចត្តាឡីស័កនៅអាកាសយានដ្ឋានអន្តរជាតិតេជោដើម្បីបង្ការនិងទប់ស្កាត់នូវការនាំចូលជំងឺឆ្លងនានាជាពិសេសជំងឺនីប៉ាស៍ដែលកំពុងកើតមានក្នុងបណ្តាប្រទេសតំបន់អាស៊ី។ ឯកឧត្តមរដ្ឋមន្ត្រីបានសង្កត់ធ្ងន់ថាបច្ចុប្បន្នកម្ពុជាមិនទាន់មានករណីជំងឺនីប៉ាស៍នៅឡើយទេប៉ុន្តែក្រសួងសុខាភិបាលមានភារកិច្ចក្នុងការរៀបចំបង្ការការចម្លងចូលទៅក្នុងសហគមន៍។  ក្នុងករណីមានការសង្ស័យលើអ្នកដំណើរត្រូវអនុវត្តតាមនីតិវិធីស្តង់ដាក្នុងការឆ្លើយតបគ្រោះអាសន្នសុខភាពសារធាណៈនៅច្រកចេញចូលប្រទេសដោយត្រូវមានការសហការគ្នាឱ្យបានជិតស្និតជាមួយគ្រប់ផ្នែកពាក់ព័ន្ធ  អាកាសយានដ្ឋានក្រុមហ៊ុនហើរហោះមន្ទីរពេទ្យជាតិនិងមន្ទីរសុខាភិបាលនៃរដ្ឋបាលរាជធានីខេត្ត។  ជាជំហានបន្ទាប់ត្រូវមានលំហាត់សមយុទ្ធត្រៀមករណីមានសង្ស័យមកដល់ការរកឃើញការដាក់ឱ្យនៅដាច់ដោយឡែកការបញ្ជូនការព្យាបាលនិងការអនុញ្ញាតិឱ្យចេញពីមន្ទីរពេទ្យ៕

ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានអរគុណប្រជាពលរដ្ឋដែលបានបន្តចូលរួមសហការរៀបចំអភិវឌ្ឍន៍កំពង់ផែស្វ័យ័តក្រុងព្រះសីហនុ។ ឯកឧត្តមបានឱ្យដឹងនៅថ្ងៃទី២៧​ ខែមករានេះថា ក្រសួងរៀបចំដែនដី រដ្ឋបាលខេត្តព្រះសីហនុ និងកំពង់ផែស្វយ័ត ដោះស្រាយបាន ៣៩៩ទីតាំងហើយ។ សូមជម្រាបថា ក្រសួងរៀបចំដែនដី បានដឹកនាំ និងសហការជាមួយរដ្ឋបាលខេត្តព្រះសីហនុ ដើម្បីសម្របសម្រួលដោះស្រាយបញ្ហាសំណង់មិនរៀបរយរបស់ពលរដ្ឋក្នុងតំបន់ទំនប់រលក គោលដៅទីតាំងជាប់កំពុងផែបច្ចុប្បន្ន ដែលស្ថិតនៅក្នុងបរិវេណដីគម្រោងអភិវឌ្ឍន៍ និងសាងសង់ចំណតផែកុងតឺន័រទឹកជ្រៅរបស់កំពង់ផែស្វយ័តក្រុងព្រះសីហនុ។ យោងតាមសេចក្ដីជូនដំណឹងរបស់ក្រសួងរៀបចំដែនដី ទីតាំងដីនៃគម្រោងអភិវឌ្ឍន៍កំពង់ផែស្វយ័តនេះ […]

កម្ពុជា នឹងអាចនាំចេញផលិតផលកសិកម្មទៅកាន់ទីផ្សារប្រទេសចិន ដោយឆ្លងកាត់តាមប្រទេសឡាវ បន្ទាប់ពីរដ្ឋមន្ត្រីនៃប្រទេសទាំងពីរ បានចុះកិច្ចព្រមព្រៀងស្តីពីការដឹកជញ្ជូនកសិផលឆ្លងកាត់(Transit) សម្រាប់បើកផ្លូវឱ្យកម្ពុជាអាចដឹកជញ្ជូនកសិផលទៅកាន់ទីផ្សារប្រទេសចិនតាមផ្លូវគោក ដោយឆ្លងកាត់ទឹកដីឡាវជាផ្លូវការក្នុងពេលដ៏ឆាប់ខាងមុខនេះ។  ក្រសួងកសិកម្ម រុក្ខាប្រមាញ់​ និងនេសាទ​ បានឱ្យដឹងថា នៅថ្ងៃទី២៥​ ខែមករា​ ឆ្នាំ២០២៦​ ឯកឧត្តម​រដ្ឋមន្ត្រី ឌិត​ ទីណា​ បានជួបប្រជុំទ្វេភាគី​ និងធ្វេីជាសក្ខីភាពលេីការចុះកិច្ចព្រមព្រៀងដឹកជញ្ជូនឆ្លងកាត់​ទំនិញកសិផលជាមួយ​ ឯកឧត្តមបណ្ឌិត​ Linkham DOUANGSAVANH រដ្ឋមន្រ្តីក្រសួងកសិកម្ម​និងបរិស្ថាន​ នៃសាធារណរដ្ឋប្រជាធិបតេយ្យប្រជាមានិតឡាវ​។ ក្នុងជំនួប​ […]

ក្រសួងសុខាភិបាល នៅថ្ងៃទី២៥ ខែមករា ឆ្នាំ២០២៦នេះ បានចេញសេចក្តីប្រកាសព័ត៌មាន ស្តីពីការការពារខ្លួនពីការឆ្លងវីរុសនីប៉ាហ៍ (Nipah Virus)។ ក្រសួងសុខាភិបាលបានឱ្យដឹងថា ជំងឺនីប៉ាហ៍ (Nipah)គឺ ជាជំងឺបង្កឡើងដោយវីរុសនីប៉ាហ៍ រាលដាលដោយផ្ទុកលើសត្វប្រចៀវ សត្វប្រឹង និងអាចឆ្លងមក មនុស្ស និងជ្រូក។ ជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀត តាមរយៈការប៉ះពាល់ផ្ទាល់ តាមទឹកសរីរាង្គ របស់មនុស្ស និងមានអត្រាស្លាប់ចន្លោះពី៤០ភាគរយទៅ៧០ភាគរយ។ វីរុសរកឃើញដំបូងក្នុងឆ្នាំ១៩៩៩ នៅ ប្រទេសម៉ាឡេស៊ី […]

«កម្ពុជាស្អាត ខ្មែរធ្វើបាន៖ របត់ថ្មីនៃសេដ្ឋកិច្ចវិលជុំ និងស្មារតីរួមគ្នាដើម្បីមាតុភូមិគ្មានសំណល់ប្លាស្ទិក» ក្រោមការដឹកនាំរបស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន «ផែនទីបង្ហាញផ្លូវស្តីពីសកម្មភាពប្លាស្ទិកនៅកម្ពុជា» (Plastic Action Roadmap in Cambodia) ត្រូវបានប្រកាសដាក់ឱ្យប្រើប្រាស់ជាផ្លូវការ។ នេះគឺជាឯកសារយុទ្ធសាស្ត្រដ៏មានសារៈសំខាន់បំផុតក្នុងគោលដៅរុញច្រានកម្ពុជាឆ្ពោះទៅរកសេដ្ឋកិច្ចប្លាស្ទិកចក្រា ដែលឆ្លើយតបយ៉ាងចំគោលដៅទៅនឹងតម្រូវការរបស់ប្រជាពលរដ្ឋ និងស្របតាមយុទ្ធសាស្ត្រចក្រាវិស័យបរិស្ថាន ដើម្បីធានានូវការកាត់បន្ថយការបំពុល និងការប្រើប្រាស់ធនធានឱ្យមានប្រសិទ្ធភាពបំផុតសម្រាប់សុខុមាលភាពសាធារណៈ និងសោភ័ណភាពសង្គមជាតិ។ ក្រសួងបរិស្ថាន បានឱ្យដឹងថា ស្របពេលនៃការដាក់ចេញនូវផែនទីបង្ហាញផ្លូវប្រវត្តិសាស្ត្រនេះ […]

គុណភាពខ្យល់ក្នុងប្រទេសកម្ពុជា មិនទាន់ទទួលរងការបំពុល និងមិនមានបង្កការបំពុលដល់ប្រទេសជិតខាងនោះទេ ហើយក្នុងរយៈពេល ១សប្តាហ៍កន្លងមកនេះ កម្ពុជាមានការចុះអ័ព្ទ ដោយសារការប្រែប្រួលធាតុអាកាស មិនមែនជាផ្សែងអ័ព្ទដែលជាខ្យល់អាក្រក់នៅក្នុងបរិយាកាសនោះឡើយ។ នេះបើតាមការអះអាងរបស់ក្រសួងបរិស្ថាន។ ក្នុងពិធីផ្សព្វផ្សាយយុទ្ធនាការជំរុញសកម្មភាពដើម្បីភាពស្អាត ការអនុវត្តវិធានការទប់ស្កាត់និងកាត់បន្ថយការបំពុលខ្យល់សាធារណៈ នៅខេត្តពោធិ៍សាត់ អ្នកនាំពាក្យក្រសួងបរិស្ថាន ឯកឧត្តម ខ្វៃ អាទិត្យា បានឱ្យដឹងថា កន្លងមកនេះ ក្រសួងបរិស្ថានបានតាមដានគុណភាពខ្យល់សាធារណៈជាប្រចាំ តាមរយៈឧបករណ៍និងស្ថានីយតាមដានគុណភាពខ្យល់ ចំនួន៥៩ ទីតាំង ក្នុងនោះនៅរាជធានីភ្នំពេញចំនួន១២ទីតាំង និងតាមបណ្តាខេត្តទូទាំងប្រទេសចំនួន ៤៧ […]