មន្ត្រីអ៊ុយក្រែនបាននិយាយថា យ៉ាងហោចណាស់មានមនុស្ស ២៣នាក់ រួមទាំងកុមារ ៤នាក់ត្រូវបានសម្លាប់ និងរាប់សិបនាក់ទៀតរងរបួសនៅក្នុងការទម្លាក់គ្រាប់បែកនៅក្នុងការវាយលុករបស់រុស្ស៊ីលើទីក្រុង គៀវ ។
បើតាមមន្ត្រីអ៊ុយក្រែនដដែល អគារលំនៅដ្ឋានកម្ពស់ ៥ជាន់ត្រូវបានបំផ្លាញ ហើយទីស្នាក់ការបេសកកម្មរបស់សហភាពអឺរ៉ុប និងក្រុមប្រឹក្សាអង់គ្លេសនៅក្បែរនោះត្រូវបានខូចខាតផងដែរ។
ឆ្លើយតបទៅនឹងទង្វើរបស់ទីក្រុងមូស្គូ ប្រធានគណៈកម្មការប្រតិបត្តិរបស់សហភាពអឺរ៉ុប បានបង្ហាញការខឹងសម្បារចំពោះការវាយប្រហារមកលើទីក្រុង គៀវ រាប់ចាប់តាំងពីខែកក្កដា ដែលបានធ្វើឱ្យខូចខាតការិយាល័យគណៈប្រតិភូសហភាពអឺរ៉ុបនៅក្នុងរដ្ឋធានីរបស់អ៊ុយក្រែន។
នៅក្នុងសេចក្តីថ្លែងការណ៍មួយ លោកស្រី Ursula von der Leyen ប្រធានគណៈកម្មការប្រតិបត្តិរបស់សហភាពអឺរ៉ុប បាននិយាយថា មីស៊ីលរបស់រុស្ស៊ីបានវាយប្រហារជិតបេសកកម្មការទូតរបស់សហភាពអឺរ៉ុប ក្នុងនោះមីស៊ីលចំនួន២គ្រាប់បានវាយប្រហារក្នុងចម្ងាយ ៥០ ម៉ែត្រពីទីស្នាក់ការគណៈប្រតិភូក្នុងរយៈពេល ២០ វិនាទី។
បើយោងតាមកងកម្លាំងអ៊ុយក្រែន ទាហានរុស្ស៊ី បានបាញ់យានដ្រូនជិត៦០០ គ្រឿង និងមីស៊ីលអន្តរទ្វីបជាង ៣០គ្រាប់ ដែលជាការវាយប្រហារដ៏ធំបំផុតលើរដ្ឋធានីរបស់អ៊ុយក្រែនក្នុងខែសីហានេះ៕
