ទីភ្នាក់ងាររញ្ជួយដីរបស់ប្រទេសហ្វីលីពីន បាននិយាយថា ការរញ្ជួយដីកម្រិត ៧.៥ រ៉ិចទ័របានវាយប្រហារនៅឯនាយសមុទ្រនៅភាគខាងត្បូងប្រទេសកាលពីព្រឹកថ្ងៃសុក្រ ជាមួយនឹងការព្រមានអំពីរលកយក្សស៊ូណាមិនៅក្នុងប្រទេសមួយចំនួន ហើយបានជំរុញប្រជាជននៅតំបន់ឆ្នេរក្បែរនោះឱ្យផ្លាស់ទីទៅកាន់ដីខ្ពស់។
តាមសារព័ត៌មាន Reuters ទីភ្នាក់ងារ Phivolcs បានព្រមានពីការរញ្ជួយដីដែលបានវាយប្រហារនៅពេលព្រឹកពីទីក្រុង Manay ក្នុង Davao Oriental ក្នុងតំបន់ Mindanao ។ មន្ត្រីការពារជនស៊ីវិល លោក Raffy Alejandro បាននិយាយនៅលើ Facebook ថា យ៉ាងហោចណាស់មនុស្សម្នាក់បានស្លាប់។
មជ្ឈមណ្ឌលព្រមានរលកយក្សស៊ូណាមិនៅប៉ាស៊ីហ្វិកបាននិយាយថា ការគំរាមកំហែងរលកយក្សស៊ូណាមិនៅក្នុងប្រទេសហ្វីលីពីនបានកន្លងផុតទៅហើយ ដោយមានរលកកម្ពស់ពី ១ ទៅ ៣ ម៉ែត្រ បើទោះបីជាមានការព្រមានពីភ្នាក់ងារផ្សេងទៀតក៏ដោយ។
មិនមានរបាយការណ៍ផ្សេងទៀតនៃអ្នកស្លាប់និងរបួសពីការិយាល័យគ្រោះមហន្តរាយក្នុងតំបន់ដែលត្រូវបានទាក់ទងដោយ Reuters នោះទេ ប៉ុន្តែមន្ត្រីម្នាក់នៅក្នុងទីក្រុង Manay បាននិយាយថា មានរបាយការណ៍បឋមអំពីការខូចខាតផ្ទះ អគារ និងហេដ្ឋារចនាសម្ព័ន្ធ។
គួរឲ្យដឹងថា ការរញ្ជួយដីនេះស្ថិតក្នុងចំណោមការរញ្ជួយខ្លាំងបំផុតក្នុងប៉ុន្មានឆ្នាំចុងក្រោយនេះ ដែលបានវាយប្រហារប្រទេសហ្វីលីពីន ដែលស្ថិតនៅលើមហាសមុទ្រប៉ាស៊ីហ្វិក “Ring of Fire” និងមានការរញ្ជួយដីច្រើនជាង ៨០០ ដងក្នុងមួយឆ្នាំ៕
