Category: អន្តរជាតិ

រដ្ឋាភិបាលអ៉ីស្រាអែល របស់លោក Benjamin Netanyahu បានអនុម័តយល់ព្រមលើបទឈប់បាញ់ជាមួយក្រុមហាម៉ាសប៉ាឡេស្ទីន នៅថ្ងៃសុក្រ ទី១០ ខែតុលានេះ ដើម្បីបើកផ្លូវឆ្ពោះទៅរកការផ្អាកការសង្រ្គាមក្នុងពេល ២៤ម៉ោងខាងមុខ ជាមួយនឹងការដោះលែងចំណាប់ខ្មាំងអ៉ីស្រាអែលជាប់ឃុំនៅតំបន់ហ្កាហ្សាក្នុងពេល ៧២ម៉ោង។  តាមទីភ្នាក់ងារសារព័ត៌មាន Reuters គណៈរដ្ឋមន្ត្រីអ៉ីស្រាអែលបានឯកភាពគ្នាលើការអនុម័តកិច្ចព្រមព្រៀងជាមួយហាម៉ាស នៅព្រឹកថ្ងៃសុក្រ ពោល២៤ម៉ោងក្រោយក្រុមអ្នកសម្របសម្រួលកិច្ចចរចាប្រកាសពីកិច្ចព្រមព្រៀងមួយស្ដីពីការដោះលែងចំណាប់ខ្មាំងជាថ្នូរនឹងការដោះលែងអ្នកទោសប៉ាឡេស្ទីន នៅក្នុងដំណាក់កាលទី១ សម្រាប់ផែនការសន្តិភាពរបស់ប្រធានាធិបតីអាមេរិក លោក ដូណាល់ ត្រាំ ដើម្បីបិទបញ្ចប់សង្រ្គាមអូសបន្លាយពេលជាង២ឆ្នាំមកនេះនៅតំបន់ហ្កាហ្សា។  នាយករដ្ឋមន្ត្រីអ៉ីស្រាអែល លោក […]

នៅថ្ងៃសុក្រ ទី១០ ខែតុលា រុស្ស៉ីបានបន្តការវាយប្រហារទ្រង់ទ្រាយធំមួយលើទីក្រុងកៀវ បានបណ្ដាលឱ្យអគារស្នាក់នៅមួយឆាបឆេះ ខណៈការវាយប្រហារលើហេដ្ឋារចនាសម្ព័ន្ធថាមពល បានបណ្ដាលឱ្យដាច់ចរន្តអគ្គិសនីនៅតាមផ្នែកជាច្រើននៃទីក្រុង។  តាមចេញផ្សាយដោយទីភ្នាក់ងារសារព័ត៌មាន Reuters បានដកស្រង់សម្តី អភិបាលទីក្រុងកៀវ លោក Vitali Klitschko បាននិយាយថា មនុស្ស ៩នាក់ក៏បានរងរបួសផងដែរ ក្នុងនោះមាន ៥នាក់ត្រូវបានបញ្ជូនទៅកាន់មន្ទីរពេទ្យ។ លោកបន្តថា ការវាយប្រហាររបស់រុស្ស៉ីបានធ្វើឱ្យដាច់ចរន្តអគ្គិសនី និងការផ្គត់ផ្គង់ទឹកនៅតាមស្រុកជាច្រើនស្ថិតនៅតាមបណ្ដោយច្រាំងទន្លេ Dnipro។  ជាមួយគ្នានេះ រូបភាពដែលត្រូវបានបង្ហោះ […]

ទីភ្នាក់ងាររញ្ជួយដីរបស់ប្រទេសហ្វីលីពីន បាននិយាយថា ការរញ្ជួយដីកម្រិត ៧.៥ រ៉ិចទ័របានវាយប្រហារនៅឯនាយសមុទ្រនៅភាគខាងត្បូងប្រទេសកាលពីព្រឹកថ្ងៃសុក្រ ជាមួយនឹងការព្រមានអំពីរលកយក្សស៊ូណាមិនៅក្នុងប្រទេសមួយចំនួន ហើយបានជំរុញប្រជាជននៅតំបន់ឆ្នេរក្បែរនោះឱ្យផ្លាស់ទីទៅកាន់ដីខ្ពស់។ តាមសារព័ត៌មាន Reuters ទីភ្នាក់ងារ Phivolcs បានព្រមានពីការរញ្ជួយដីដែលបានវាយប្រហារនៅពេលព្រឹកពីទីក្រុង Manay ក្នុង Davao Oriental ក្នុងតំបន់ Mindanao ។ មន្ត្រីការពារជនស៊ីវិល លោក Raffy Alejandro បាននិយាយនៅលើ Facebook […]

ការិយាល័យប្រធានាធិបតី Elysee នៅថ្ងៃពុធ ទី៨ ខែតុលា បានឲ្យដឹងថា ប្រធានាធិបតីបារាំង លោក អេម៉ានុយអែល ម៉ាក្រុង ប្រកាសសន្យាជ្រើសរើសនាយករដ្ឋមន្រ្តីថ្មីមួយទៀត នៅក្នុងរយៈពេល ៤៨ម៉ោងខាងមុខ។ នេះបើតាមសារព័ត៌មាន Reuters ចុះផ្សាយនៅថ្ងៃទី៩តុលា។ ការិយាល័យប្រធានាធិបតី Elysee បាននិយាយថា សមាជិកសភាភាគច្រើនបានជំទាស់នឹងការរៀបចំការបោះឆ្នោតសភាមុនអាណត្តិ ខណៈបារាំងធ្លាក់ក្នុងវិបត្តិនយោបាយដ៏អាក្រក់ដែលមិនធ្លាប់មាន នាប៉ុន្មានទសវត្សរ៍ចុងក្រោយនេះ។ គួរឲ្យដឹងដែរថា ក្រោយចូលកាន់តំណែងនាយករដ្ឋមន្រ្តីទី៥ លោក […]

កាលពីថ្ងៃអង្គារទី៧ ខែតុលា អាជ្ញាធរថៃបានឲ្យដឹងថា ចំនួនអ្នកស្លាប់ដោយសារទឹកជំនន់ នៅប្រទេសថៃបានកើនឡើងដល់ ២២នាក់ ខណៈក្រុមសង្រ្គោះកំពុងផ្តល់ជំនួយដល់ប្រជាជនប្រមាណ ៣៧ម៉ឺននាក់ ដែលរងផលប៉ះពាល់ដោយសារភ្លៀងធ្លាក់ខ្លាំង និងការកើនឡើងទឹកទន្លេ។  បើតាមការចុះផ្សាយរបស់កាសែតថៃ Bangkok Post ដោយដករបាយការណ៍របស់នាយកដ្ឋានបង្ការ និងកាត់បន្ថយគ្រោះមហន្តរាយថៃ បានឲ្យដឹងថា មនុស្សជាង ៣៦ម៉ឺន៩ពាន់នាក់ ក្នុង ១៩ខេត្តដោយមិនរាប់បញ្ចូលទីក្រុងបាងកក បានរងផលប៉ះពាល់ពីគ្រោះធម្មជាតិនេះ។ នៅក្នុងនោះ ខេត្ត Uttaradit និងខេត្ត […]

មេដឹកនាំវៀតណាម ដាក់ចេញបទ​​បញ្ជាឱ្យក្រសួង និងអាជ្ញាធរមូលដ្ឋាន ចាត់វិធានការបន្ទាន់ឱ្យ​ខ្លាំង​ ដើម្បីបង្កើនការផ្គត់ផ្គង់លំនៅដ្ឋាន និងទប់ស្កាត់ការហក់ឡើងថ្លៃដោយរក្សាស្ថិរភាពទីផ្សារអចលនទ្រព្យ។  តាមការចុះផ្សាយរបស់កាសែត Viet Nam News លោក ផាម មិញ ឈិញ នាយករដ្ឋមន្រ្តីវៀតណាម បានលើកឡើងកាលពីថ្ងៃអង្គារថា ការកើតឡើង​ក្រោយ​តម្លៃលំនៅដ្ឋានក្នុងតំបន់មួយ​ចំនួន​នៅវៀតណាមហក់ឡើងខ្ពស់ ទោះបីជារដ្ឋាភិបាល​ប្រឹងប្រែងបង្កើនល្បឿន​អភិវឌ្ឍអចលនទ្រព្យក្ដី។ លោកថា កំណើនតម្លៃនេះ រួមចំណែកដោយ​ការទិញផ្ទះទុកលក់ពេលឡើងថ្លៃ និងកង្វះការផ្គត់ផ្គង់ជាដើម។ ជាមួយគ្នានេះ នាយករដ្ឋមន្រ្តីវៀតណាម ក៏បានស្នើឱ្យក្រសួងហិរញ្ញវត្ថុធ្វើរបាយការណ៍ត្រឹមថ្ងៃទី […]

មេដឹកនាំបក្សប្រជាជន កំពុងជំរុញឱ្យរដ្ឋាភិបាលថៃដកចោលផែនការរបស់ខ្លួនក្នុងការធ្វើប្រជាមតិទៅលើ អនុស្សរណៈយោគយល់(MoU) ដែលកម្ពុជា-ថៃ បានចុះហត្ថលេខាក្នុងឆ្នាំ២០០០ និង២០០១។  លោក Natthaphong Ruengpanyawut ប្រធានគណបក្សប្រជាជន ដែលជាមេដឹកនាំបក្សប្រឆាំងថៃដែលមានសំឡេងភាគច្រើនក្នុងសភាថៃ បាននិយាយថា បញ្ហាអន្តរជាតិដ៏ស្មុគស្មាញបែបនេះ គឺស្ថិតនៅក្រោមភារកិច្ចរបស់រដ្ឋាភិបាលទាំងស្រុង ពោលគឺមិនមែនជាភារកិច្ចរបស់សាធារណជនឡើយ។ នេះបើតាមការចុះផ្សាយរបស់សារព័ត៌មាន Reuters ។ លោក Natthaphong បានសម្តែងនូវការមិនពេញចិត្តយ៉ាងខ្លាំង ចំពោះសំណើរបស់នាយករដ្ឋមន្ត្រីថៃ លោក អនុទីន ចាន់វីរគុល […]

នៅថ្ងៃអង្គារ ទី៧ ខែតុលា វៀតណាមបន្តទទួលឥទ្ធិពលព្យុះ Matmo បានបង្កជាភ្លៀងធ្លាក់ខ្លាំងបណ្តាឱ្យមានទឹកជំនន់តាមផ្នែកខ្លះនៃទីក្រុងហាណូយ ដែលជាការជន់លិចថ្មីទៀត បន្ទាប់ពីជំនន់ទឹកភ្លៀងកើតឡើងជាបន្តបន្ទាប់ក្នុងរយៈពេលមួយខែ ខណៈដែលមានព្យុះបោកបក់ពាសពេញតំបន់ភាគខាងជើង។  ទីភ្នាក់ងារសារព័ត៌មាន Reuters បានឲ្យដឹងថា ភ្លៀងខ្លាំងបានជន់លិចផ្លូវសំខាន់ៗ ធ្វើឱ្យម៉ូតូ និងរថយន្តជាប់គាំង បង្ខំឱ្យពលរដ្ឋធ្វើដំណើរឆ្លងកាត់ទឹកជម្រៅត្រឹមកំភួនជើង។ ជាមួយគ្នានេះខណ្ឌនានាខាងក្នុងទីក្រុងហាណូយ ក៏រងផលប៉ះពាល់ជាងគេ ដោយប្រព័ន្ធបង្ហូរទឹកពិបាកទប់ទល់នឹងបរិមាណទឹកភ្លៀង។ ចំណែក សាលារៀនមួយចំនួនត្រូវបានបិទជាបណ្តោះអាសន្ន ឬប្តូរទៅរៀនតាមអនឡាញ រីឯជើងហោះហើរចេញ-ចូលជាច្រើននៅអាកាសយានដ្ឋានអន្តរជាតិ Noi Bai […]

ប្រព័ន្ធផ្សព្វផ្សាយរដ្ឋកូរ៉េខាងជើង នៅថ្ងៃទី៦ ខែតុលា បានឲ្យដឹងថា មេដឹកនាំកូរ៉េខាងជើង លោក គីម ជុងអ៊ុន ប្រកាស ដាក់ពង្រាយកម្លាំងពិសេស ដើម្បីឆ្លើយតបទៅនឹងអ្វីដែលលោកហៅថា ជាការបង្កើនកម្លាំងប្រដាប់អាវុធរបស់អាមេរិកនៅក្នុងទឹកដីប្រទេសកូរ៉េខាងត្បូង។ តាមប្រព័ន្ធផ្សព្វផ្សាយ The Star បាននិយាយថា សហរដ្ឋអាមេរិកបានដាក់ពង្រាយកងទ័ពប្រមាណ ២៨ ៥០០នាក់ នៅកូរ៉េខាងត្បូង ដើម្បីទប់ទល់នឹងការគំរាមកំហែងផ្នែកយោធាពីកូរ៉េខាងជើង ដែលមានអាវុធនុយក្លេអ៊ែរ។ កាលពីខែ កញ្ញាកន្លងទៅ សហរដ្ឋអាមេរិកក៏មានការធ្វើសមយុទ្ធយោធារួមគ្នាជាមួយសម្ព័ន្ធមិត្តរបស់ខ្លួន […]

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានឆ្លើយតបវាយបកទៅកាន់ប្រធានាធិបតីអាមេរិក លោក ដូណាល់ ត្រាំ ចំពោះការហៅរុស្ស៊ីថាជា “ខ្លាក្រដាស” ដោយលើកឡើងថា NATO អាចជាប្រទេសតែមួយ និងព្រមានសហរដ្ឋអាមេរិកថា ការផ្គត់ផ្គង់មីស៊ីល Tomahawk ដល់អ៊ុយក្រែន នឹងបង្កឱ្យមានការកើនឡើងកម្តៅថ្មីដ៏គ្រោះថ្នាក់បំផុត។ សារព័ត៌មាន Reuters បានផ្សាយនៅថ្ងៃសុក្រនេះថា សង្រ្គាមរបស់រុស្ស៊ីនៅអ៊ុយក្រែន ដែលជាសង្រ្គាមដ៏សាហាវបំផុតរបស់អឺរ៉ុប ចាប់តាំងពីសង្គ្រាមលោកលើកទី២ បានបង្កឱ្យមានការប្រឈមមុខគ្នាដ៏ធំបំផុតរវាងរុស្ស៊ី […]