ក្រុមមន្ត្រីបាននិយាយកាលពីថ្ងៃព្រហស្បតិ៍ថា អាជ្ញាធរប៉ាគីស្ថានបានជម្លៀសមនុស្សជាងមួយលាននាក់ចេញពីផ្ទះសម្បែងនៅក្នុងខេត្ត Punjab ក្នុងសប្តាហ៍នេះ ខណៈដែលទឹកជំនន់ដ៏អាក្រក់បំផុតនៅទីនោះបានបណ្តាលឱ្យមានការបំផ្លិចបំផ្លាញផ្ទះសម្បែងនៅក្នុងភូមិរាប់រយ និងបានលិចដល់ដំណាំធញ្ញជាតិសំខាន់ៗ។
អាជ្ញាធរគ្រប់គ្រងគ្រោះមហន្តរាយរបស់រដ្ឋ Punjab បាននិយាយថា ភ្លៀងមូសុងដ៏ខ្លាំង និងការបង្ហូរទឹកលើសពីប្រទេសជិតខាងរបស់ប្រទេសឥណ្ឌាពីទំនប់វារីអគ្គិសនីបានធ្វើឱ្យទន្លេចំនួន ៣ ហូរចូលខេត្តភាគខាងកើត ដែលបណ្តាលឱ្យមានទឹកជំនន់នៅក្នុងភូមិជាង ១,៤០០ភូមិឯណោះ។
សារព័ត៌មាន Reuters បានដកស្រង់សម្តីក្រុមមន្ត្រីបាននិយាយថា ទឹកជំនន់កាន់តែអាក្រក់ទៅៗនៅក្នុងរដ្ឋ Punjab ដែលជាផ្ទះរបស់ប្រជាជនពាក់កណ្តាលនៃប្រទេសប៉ាគីស្ថាន និងជាប្រទេសផលិតស្រូវសាលី អង្ករ និងកប្បាសដ៏សំខាន់ តាមរយៈការបញ្ចេញទឹកចូលទៅក្នុងទន្លេចំនួន ៣ គឺ ទន្លេ Ravi, Sutlej និង Chenab ពីទំនប់ឥណ្ឌា។
ប្រទេសឥណ្ឌា ដែលតែងតែបញ្ចេញទឹកពីទំនប់នៅពេលដែលវាពេញពេកនោះ បានបញ្ជូនការព្រមានអំពីទឹកជំនន់ចំនួន ៣ ទៅកាន់ប្រទេសប៉ាគីស្ថាន។ យ៉ាងណា ប្រទេសទាំងពីរកំពុងប្រយុទ្ធនឹងរដូវមូសុងដ៏ខ្លាំងដែលបានបង្កជាទឹកជំនន់ភ្លាមៗ។
តាមសារព័ត៌មាន Reuters ចេញផ្សាយ យ៉ាងហោចណាស់មនុស្ស ៦០ នាក់បានស្លាប់នៅក្នុងខែនេះនៅក្នុងតំបន់កាស្មៀរឥណ្ឌាដែលរងគ្រោះខ្លាំង ខណៈដែលចំនួនអ្នកស្លាប់របស់ប្រទេសប៉ាគីស្ថានចាប់តាំងពីចុងខែមិថុនាមានចំនួន ៨១៩ នាក់។ មន្រ្តីខេត្តបាននិយាយថា យ៉ាងហោចណាស់មនុស្ស ១២ នាក់បានស្លាប់នៅក្នុងសប្តាហ៍នេះនៅក្នុងខេត្ត Punjab ៕
